Daini na Ja Chyum Mungga hpe hti sumru yu ai shaloi e, grin ai sut gan hpe tam mahkawng na lam tsun sharin ya nga ai. Dai ni Yesu gaw n grin ai ndai mungkan a sut gan ni hpe tam mahkawng na malai, tut e grin nga ai sumsing sut gan hpe tam mahkawng na matu ndai chyum mungga hta sadi jaw da nga ai. Bai nna, hpawt ni ngu ai n`htoi hpe nang ngai yawng lu madu na n re. Dai gaw Karai Kasang hte sha seng nga ai hpe dum ra ga ai. Dai majaw laika ka ai sara wa Liudostine tsun da ai gaw, prat a ahkyak dik htum a ten gaw, ya ya na aten nan re hpe n mai malap kau ai. Dai majaw anhte yawng Karai Kasang jaw da ai ya ya lu taw nga ai aten hta,
grin nga ai sut gan hpe mungkan ga kaw naw nga ai ten tam shakut ga. Weyi gaw hkum hkrang a wan n`htoi rai nga ai majaw, anhte myi hpe sung lang ai shaloi byin pru wa chye ai, namak lawhpa ai myit marin ai myit n lu hting hkang ai lam ni hpe anhte prat hta, n lu shang hkra, nat tsadan a hpang hkan ai ni n byin hkra, shakut sa ga. Dai majaw ningsin hpe ninghtoi jaw ya ai jet ai Madu Karai hpe madung da let, chyoi pra ai wenyi shanu nga ai htingnu rai nga ai, anhte hkum hkrang hpe tut e san seng hkra hting hkang sa let, sumsing sutgan hpe tam mahkawng nga ga law.