Daini na Ja Chyum Mungga hpe hti sum ru yu ai shaloi e, Masha hpe hkum jeyang na lam sharin shaga nga ai. Hpaji rawng ai masha langai mi tsun da ai gaw, lema 3 sha galu ai shinglet gaw, pe 6 galu ai masha hpe lu sat ai da. Daini chyum laika hta Yesu gaw, kaga masha wa a mara hpe je yang daw dan ai hkum galaw u. Nang je yang shagu hpung tang gaw, tinang kaw sha bai du wa ai re la sadi jaw da nga ai. Bai shinggyim masha shagu gaw ra rawng gawngkya ai ni hkrai rai nga ai majaw, tinang a ra rawng ai hpe gaw n yu nna, kaga wa a ra rawng ai lam hpe chyu sha tsun ai wa gaw, tinang a shawng kaw na hpun tawng hpe gaw n mu chye nga ga ai.
Bai kaga manang wa a myi kaw rawng ai shingbun hpe naw shaw kau ya e nga tsun chye ai wa hte bung taw nga ga ai. San pra ai Ephrem tsun ai gaw, kaga wara rawng gawng kya ai lam hpe nang tsun ai shaloi e, na a shing let gaw, nat tsa dan a ting se a matu sumri langai mi gyin ya ai wa nang nan re. Dai majaw Madu Yesu hpe sakse hkam na shinglet hpe n kaja tsun na matu n byin u ga. Karai Kasang kumhpa jaw da ya sai Shinglet hpe Karai Kasang a ra sharawng ai hku tengman ai, mai kaja ai lam ni hta sha tsun shaga lu hkra shakut sa ga law.