Daini na Ja Chyum Mungga hpe hti sumru yu ai shaloi e, Myihtoi masu ni a lam hpe na la lu ga ai. Yesu gaw, sagu hpyi hpun da ai chyahkyawn ni hpe sadi mu. Lam mi hku nga yang, ntsa lam lai kyang hte masha ni mu hkra galaw chye ai ni, myit su masu ai ni hpe sadi na matu kasa ni hpe tsun da nga ai. Bai sabyi si hpe Ju hpun kaw na n mai lu ai zawn, sabyin si hpe mung ju sumwum kaw na di la n mai nga ai. Amyu kaja ai hpun gaw, myu kaja ai asi sha si ya na re ai zawn, myu n kaja ai hpun mung n kaja ai asi sha, si na re ai lam kahtap na anhte hpe daini na chyum mungga hta ja ja bai shadum ya nga sai re.

Myen ga malai nga ai. Dai gaw a kri hpe yu yang hpun hpe chye lu ai. A shan hpe yu yang hpun a ntsa lam hpe chye lu ai ngu ai ga malai rai nga ai. Anhte ni mung prophet ni myi htoi ni a ntsa lam namchyim n nga ai  hkaw tsun ai lam ni hte shanhte a n kaja ai lai kyang ni hpe myit yu yang e, U tawng masu, u hka ni masha a hkye la ai lam hpe pat shingdang ya ai ni ngu chye madat nna, myit htoi masu ni hparishe masu ni a lai len hpe koi yen nga ga. Shingrai anhte shiga madat la nga ai  ni yawng mung, myu kaja ai hpun kaw na kaja ai asi si lu ai ni byin hkra, Karai a chyeju hte shakut sa nga ga, ngu n`gun jaw dat lu nngai law.