Shanhte hkam la sai Kashin Kamun chyeju a marang e, Karai Kasang a amyusha ni yawng gaw, Sasana Sape ni tai wa sai. ( Mt 28:19 )
Kashin Kamun hkam sai ni yawng gaw, Nawku hpung a gara aya madang kaw mi raitim, makam masham hpe sharin la ai madang kade mi sha raitim, sasana magam a dat kasa ni rai ma ai, Sasana masing hpe sharin hkam la sai ninghkring ni sha galaw nna, ngam ai hpung masha ni yawng gaw, myit mu let, hkap la ai ni sha re ngu nna mu mda ai hte nram ai, Sasana majen je ai magam bungli nnan gun hpai na saw shaga ai, Hkristan marai shagu gaw, sasana magam hta gasang galang, shang lawm na matu nang e, ya jang saw shaga hkrum nga ai, kaja wa mung Karai Kasang a hkye hkrang la ai tsaw ra ai hpe hkam shay u sai masha gaw, dai tsawra ai hpe pru hkawm sakse hkam na matu aten galu hte sharin dabang galu galang nra nga ai.
Hkristan marai shagu gaw, Karai Kasang a tsawra ai hpe Hkristu Yesu hku nna hkam la lu ai shading hta hkan nna, sasana magam gun rai nga ai;anhte gaw, Sape Ni hte Sasana Magam Gun Ni rai ga ai nngu sai, anhte gaw galoi mung Sasana Magam Gun Ni Sape Ni rai ga ai, Anhte nhprang ai rai yang, Yseu a azi yu ai hpe hkrum nna, ‘An Mesia hpe hkrum saga ai ” ( Yh 1:41 ) nga nna Kabu Gara ndau shana ai shawng nnan na sape yen hpe myit dum ga.
Sanaritan num sha langai mi mung Yesu hte hkrum shaga ngut ai hte rau sha sasana magam gun tai wa ai, Samaritan masha law law mung dai num sha sakse hkam ya ai majaw ( Yh 4:39 ) shi hpe kam sham wa ma ai, dai hte maren, San Pawlu mung, Yesu hte hkrum katut ai hpang, Kalang ta Yesu a lam hkaw tsun hpang wu ai, ( Ks 9:20; 22:6-21 ) Dai rai yang, anhte hpa hpe naw la taw na ?
#catechism
#rvakachinservice