Daini na Ja Chyum Mungga hpe hti sumru yu ai shaloi e, Hka nawng na nbung laru hpe Yesu shazim kau ai lam hpe na lu ga ai. Ja chyum mungga hta n`htoi gaw, tinang a Madu Yesu hta kam hpa manoi manat tawn da ai, jet ai makam ra nga ai ngu ai hpe madi madun ya nga ai. Shing rai, ja la ai hka len ni hte nbung laru kaba a lapran e hkye la na masha n nga ai kasa ni hkrit marawn taw nga ai aten hta, Madu Yesu gaw nanhte a Madu, kam hpa ai lam a Madu re ngu ai lachyum hpe nbung laru hte hka leng kaba hpe shazim kau na ahkang jaw dat ai.  Madu Yesu shi nga nga ai gaw, hpa lam ni hpe raitim jahkum shazup ya lu ai ngu ai hpe madi madun ya sai re.

Raitim pyi gaw, kasa ni Madu Yesu a ntsa kam sham ai lam ningra taw nga ai hpe mu lu ga ai n rai a ni? Hpa majaw nga yang shanhte Madu Yesu a hpang hkan nang ai a yaw shada ai lam gaw, Spiritual Needs wenyi lu sha jahpring na matu n rai, Body Needs ngu ai hkaum hkrang a lu sha hkru na matu rai taw nga ai majaw, shanhte a kam sham ai myit gaw, ding grin ngang kang ai lam n nga nna, aten n tam ai galoi e mung galai shai taw nga ai rai nga ai. Madu Yesu sumsing mungdan kaw na yu sa wa ai gaw, masha hpe shangun na matu n rai, shi hkum nan ap nawng na matu she du sa ai lam re hpe mu chye na let, anhte a prat shi madu hta kam sham ai lam tut nawng myit manoi manat sharawng awng nga na grai ra kadawn nga ga ai re.