Daini na Ja Chyum Mungga hpe hti sumru yu ai shaloi e, masha lahkawng hpe Yesu Nat hkyawt kau ya ai mabyin hpe na chye la lu ga ai. Daini na kabu gara shiga hta, Madu Yesu gaw, panglai hking gau makau kaw nat hkyung taw nga ai masha lahkawng hpe nat hkyawt tsi lajang taw nga ai hpe mu ai. Kalang mi hta, jawng ma langai mi gaw, laika sharin ya ai Jau kaba hpe e, wa jau nang Nat tsa dan hpe mu ga ai i? ngu san dat ai. Shaloi nat tsadan hpe shinggan kaw gaw n mu ga ai raitim, mara ni hpe gaw shara law law kaw mu ga ai ngu htan ya nu ai. Tsun mayu ai gaw shiga madat nu wa hpu nau ni e, mara kap ai mara nga ai shara kaw Nat tsadan nga ai ngu ai hpe tsun ai re.
Mu mada ai nat tsadan a hkrang gaw, mara rai taw nga ai ngu ai lam nan mung re. Nat shang taw ai masha lahkawng gaw, Madu Yesu hpe mu ai shaloi, hkrit kajawng ai hpe mu lu ga ai. Shingrai ndai kaw e, Ga san san na lam nga nga ai. Ndai nat hkyung ai masha lahkawng hpa majaw, Madu Yesu hpe hkrit taw nga a ta ngu san dat yang, Madu Yesu gaw Karai a kasha re, hpung dagu nga ai majaw, nga htai gring ai mahtai mung rai nga ai. Anhte ni, n maram hkrup ai lam langai gaw, dinghpring dingman ai wa, tengman jaw ai hpe tsun ai wa, tinang a akyu hpe ap nawng let, kaga masha wa a matu ap nawng ai wa, shut ai hpe n chye ai, nsin hpe shingdu gayin kau, n`htoi hpe hkan sa asak hkrung ai ni hpe tsadan gaw, n ra nna, hkrit gari nga ai, ngu ai hpe anhte a prat hta sadi maja let, n kaja ai lam ni hpe awng dang lu hkra shakut sa ga law.