Htai Ya Ai Wa – Wa Jau Dr. Joseph Gawlu Yung Wa
Ga San -Kahtawlik Nawku Hpung hta chyum laika hpan kade nga ai kun?
Htai – Chyum Laika, Ga Shaka Dingsa hta laika buk (64) lawm nna; Ga Shaka Ningnan hta laika buk (27) rawng nga ai. Laika hpan ni gaw: Hkan sa Tara ni, Labau, Ningchyin ga ni, Myihtoi ga ni, Kabu Gara Shiga ni, Shagun Laik ni hte Shingran Laika ni rai nga ai.
Ga San – San Yosep a lata hta hpai tawn da ai nampan gaw hpa lachyum re kun?
Htai – San Yawsep lang da a nampan gaw (Lily) ngu ai hka law pan rai na ai. Lachym gaw:
– san seng ai, ara n kap ai, Chyoi Pra ai Maria a hkawnsek sari hpe makawp maga ya ai wa ngu ai lachyum pru ai.
– Chyoi Pra ai Maria a san seng ai lam hpe mun shadum ya ai.
– Labau maumwi hta tsun da ai gaw: San Yawsep a dawhkrawn kaw nna hka law pan matsun ni prut pru wa ai nga ma ai. Dai gaw, Karai Kasang gaw San Yawsep hpe Chyoi Pra ai Maria a Nrum Ntau tai na matu lata la ai kumla re nga ma ai
San Ai Wa – Nmawk Jau ginwang, Goi kahtawng Zaibru yawng kaw nga nna, ya, sumtsan kaw du taw nga ai Fransica Jangma Bawk Ja
