Madu Yesu Hkristu gaw shi a sape ni hpe shaga la nna chyeju atsam hte ahkang aya law law jaw da nu ai hpe anhte kabu gara shiga hta na la lu nga ga ai. Kasa ni lu ai chyeju kumhpa ni, atsam marai ni gaw kabu gara shiga hte Karai Kasang a mungdan lam hkaw tsun na matu ahkang aya, machyi makaw hkrum ai ni hpe shamai shatsai ya na matu atsam, nat tsadan hpe shaden kau ya na chyeju atsam, myit malai lu ai ni hpe shut hpyit mara kaw na raw dat hkyamsa ya na atsam, hpaji byenya hte hpring nna Karai Kasang a nyan marai hte hkaw tsun lu na chyeju atsam, lamyik kumla madun lu na atsam, nawku hpung hpe gaw de da lu na ahkang aya, chyoi pra ai wenyi a chyeju kumhpa hkam la let Karai Kasang a mungdan lam hpe hkaw tsun lu na atsam marai ndai zawn re ai ahkaw ahkang hte atsam marai ni hpe ap nu ai re.