Htai Ya Ai Wa – Wa Jau Dr. Joseph Gawlu Yung Wa
Ga San – Hpung masha ni gaw Wa Jau ni kaw mara raw ma ai; Wa Jau ni gaw kadai kaw bai raw la ai kun?
Htai -Jau ni mara raw la mayu yang, gara Jau kaw raitim, tinang kam ai Jau, Saradaw ka sa nna raw la mai nga ai.
Ga San -Kahtawlik Nawku Hpung hta Misa Hkungga nawng jau ai gaw ahkyak dik re nga nna tsun ma ai. Teng ai kun, hpa majaw rai kun?
Missa Hkungga hta hpung masha langai mi Chyoi Pra ai Hkum hpe hkam la ai shaloi, shi gaw Madu yesu hte, Karai Kasang hte langai sha rai jawm pawng wa ai.
Dai gaw – Chyoi Pra ai Trinita Karai Kasang (Kawa, Kasha, Chyoi Pra ai Wenyi) hte rau, ni htep dik, atsam rawng dik, hkum tsup dik ai hku, matut mahkai kanawn mazum ai tsawra lam tai wa ai.
Bai, CCC ngu ai Kahtawlik Nawku Hpung a Makam Masham Tara laika Buk hta tsun ai: Chyoi Pra ai Hkum gaw – Nawku Hpung hpe hkrung nga shangun ai lam lahkawng nga ai: dai yan gaw, Nawku Hpung a kahkin gumdin ai lam hte Karai Kasang a asak sindan hta shang lawm lu ai ahkang rai nga ai. Chyoi Pra ai Hkum (Missa Hkungga) gaw dai lam hpe shadan shaleng ya ai atsam rawng kaba dik ai kumla rai nga ai.
Ndai lam hpe yu nna, Kahtawlik Hpung masha ni Missa Hkungga de sa lawm ai shaloi kaning re ai myit jasat hte shang lawm ra ga ai ngu ai hpe shadum ya nga ai.
San Ai Wa – 7. Lung Sha Yang Jau Ginwang, Ntsi Yang Mare hta shanu nga lai wa nna, ya, Njang Dung Jau ginwanag e shanu nga let, magam bungli a majaw Pang Wa ginra kaw du taw nga ai Stehpan Nawhkum Zau Tu: