Jubilee Shaning Ladaw hta anhte Nawku Hpung masha ni yawng mara dat ya hkrum ai shaman chyeju INDULGENCE hkamla lu na matu ahkyak nga ai. Indulgence ngu ai gaw Madu Yesu a tsawra matsan dum n-jin ai myit hte mara raw dat, hkyam sa lu ai shaman chyeju hpe hkam la lu na matu rai nga ai.

Ndai 2025 Jubilee Shaning a yaw shada ai lam gaw – masha yawng, shut hpyit mara ni a mayam prat kaw na lawt lu hkra, anhte si mat wa ai hpang, ngarai mung kaji hta hkam sha, wa ra ai hka/dam ni hpe shaprai kau lu na matu akyu chyeju tam ai lam mung rai nga ai.

26 July 3 August du hkra, Ramma ni a matu Jubilee nhtoi ngu masat da ai hte maren, Myitkyina Saradaw Sasana hta nga ai Ramma ni yawng a matu ( 2 August, 2025 ) Ya shani, Myitkyina San Columban Aung Nan Nawku Jawng hta, Jahpawt 9:00 Am aten , Ramma Jubilee Missa Hkungga hpang let, Missa ngut ai hpang myit shang sha hpa lamang ni law law nga ai majaw, ramma ni yawng sa du shang lawm lu na matu saw shaga shana ya dat lu ga ai.

#YouthJubilee

#rvakachinservice