Wa Sarabyin Leo gaw, Laban shani Castel Gandolfo hta galaw ai Angelus mungga hta, anhte a chyinghka hpe akawk nna shang na ahkang hpyi ai Madu hpe hkap tau la na matu saw shaga lai wa ai. Kaga ni a ga hpe madat mara nna hkap tau la na matu ahkyak ai lam hpe madi madun dan ai, sha n-ga, anhte hkum anhte mung hkap tau la na ahkang jaw ra ga ai. Dai ni na Misa hkungga hta Ga Shaka Dingsa hte Ningnan hta Abraham hte shi a madu jan Sara madun dan ai manam daw ai lam hte Yesu a manang Marhta hte Mari ni madun dan ai, manam daw ai hte hkap la ai lam a shada da matut manoi ai lam hpe Wa Sarabyin myit sumru yu let n-gun jaw lai wa ai.
Manam daw ai lam hta shagrit shanem ai myit masa
Matsan dum myit, myit tau ya ai lam hte hpaw tsun shaga ai lam ni gaw manam daw ai lam hta lawm ai, dai hte maren sha, grau nna shagrit shanem ai lam mung ra nga ai, nga nna Wa Sarabyin tsun shalawm da ai. Kabu Gara Shiga hta, Marhta gaw daw jau ai hta myit ru myit tsang hkrum nga ai, shi gaw kaja ai hte gam jaw gam ya chye ai masha langai mi tai wa ai, raitim Madu hte hkrum nna shi a mungga the kabu gara lam hpe n na la lu ai sha sum mat na mung hkrit tsang ra ai lam hpe bai tsun shadum ai.
Tinang hta grau kaba ai lam langai ngai hpe hpaw ya ai.
Attentiveness myit massin tup the madat mara ai gaw ahkyak nga ai, hpa majaw nga yang, “anhte a prat gaw anhte hta grau kaba ai lam langai ngai hpe hpaw shadan dan na matu sharin la yang she rawt jat galu kaba wa lu na re” ngu ai gaw “kabu gara lam hte hpring tsup lam” hpe jaw ya lu ai, nga nna Wa Sarabyin sang lang dan ai. Bai nna, Marhta a kanau Maria gaw, hkap tau hkalum la ai sha n-ga, Madu a ga madat mara ai lam hta ahkyak ai hpe chye na la ai.
Slow down myit hpe azim sha da tawn nna madat ra ai
Wa Sarabyin gaw, “grau kaja ai daw hpe lata la ai lam hta n shut hkra” madat mara ai lam hta Nu Maria a kasi hpe hkan sa na matu n-gun jaw da nga ai. Bai nna, anhte gaw manam daw ai lam hpe sharin la ai hta galoi mung grau kaja hkra galaw lu na re, nga nna hpaji jaw ai, dai hta “kaga masha ni hpe hkap tau hkalum la ai lam hte anhte hkum anhte hkap hkalum la na ahkang jaw ai lam lahkawng lawm ai”, hpa majaw nga yang, “anhte jaw ya ai lam hta, hkam la na mung law law nga ai.” “Karai Kasang hte hkrum ai lam rai tim, kaga masha ni hte rai tim, shingra tara hte hkrum katut ai lam rai tim,” Tengman ai lam shagu hpe grau wanglu wanglang jaw ya ai hpe chye na ra nga ai.
“Anhte a Madu hpe hkap tau la nna, shi a hkritung hta shi hpe shangai ya ai, anhte a Kanu, Chyoi Pra Htum ai Maria hte nga sha shara dum nta hpe jaw ya ai san Yosep kaw akyu hpyi nga ga. anhte hkum nan a shaga la ai lam hte Nawku hpung a shaga la ai lam a tsawm htap lam hpe Nu Maria hta anhte mu lu ga ai. Yawng a matu hpaw da ai nta tai na matu hte anhte a chyinghka hpe akawk ya ai Madu hpe shang na ahkang jaw nga ga.