Kanu Gaw Kasha Ni Hte Shaga Ai Zawn
Anhte tsun ai, Karai Kasang a amyu sha ni gaw, shanhte a kraw kata hta, Chyoi Pra ai Wenyi bungli galaw ai a marang e, tinang hkum hpe sasana galaw nga ai.
Ndai matsun hpe mungga hkaw ai ni hta gara hku jahkaw na rai? Dai hpe mungga hkaw ai wa gara hku hkan sa na? Ndai lam anhte hpe shadum ai gaw, Nawku hpung gaw kanu re, kanu gaw shi a kasha ni hpe shaga ai zawn, Nawku Hpung hkaw tsun ai, kasha gaw kanu sharin ai hpe shi hpe kaja shangun mayu ai, shi a akyu matu re ngu nna kam ai, kasha ni gaw shanhte tsawra hkrum ai ngu ai hpe chye ma ai
Grau nna, kaja ai kanu gaw, shi a kasha ni hta, Karai Kasang shabyin ai lam shagu hpe mu mada chye lu ai, shi shanhte a myit tsang ai hpe madat ya ai, shanhte kaw na sharin la ai, dinghku hpe up hkang ai tsawra myit gaw, kanu hte kasha a tsun shaga jahta ai hpe shading sharai ya ai, dai hta e shannu gaw sharin hka ja la ai, shada sharai hkat nna mai kaja ai hpe ra sharawng ai hta galu kaba wa ai, dai hte bung ai lam mungga hkaw ai hta byin ai, Kabu Gara shiga ni hpe myit jahtoi ya ai hte nawku hpung hta shamu shamawt nga ai maren sha re ai wenyi gaw, Karai Kasang a amyu sha ni a kam sham ai hpe na lu nna, Missa Hkungga shagu hta jaw ang ai mungga hpe hkaw tsun lu na matu mung myit jahtoi ya ai
Hkristan hkaw tsun ai lam gaw asak hka-hpawk a npawt hpe amyu sha ni a salum hte shanhte a htunghking hta mu lu ai, dai gaw mungga hkaw tsun ai wa hpe hpa lam hpe tsun na, gara hku tsun na ngu ai hpe, garaum ya ai, anhte yawng gaw, tinang hpe tinang a amyu ga hte shaga na hpe ra sharawng ai zawn anhte a makam masham hta mung anhte a Kanu Htunghking anhte a buga ga hku shaga na ra sharawng ga ai, ( 2 Macc 7:21,27 ) shaloi, anhte a salum ni mung madat na matu, grau shapraw dan ai lam byin nga ai, Ndai ga gaw, myit jahtoi ya ai, n-gun jaw ai, atsam ningja hte myit katu shangun ai yungwi hpan mi rai nga ai.
#Catechism
#rvakachinservice