Htai Ya Ai Wa – Wa Jau Dr. Joseph Gawlu Yung Wa

San – Jau, Tara Hkaw Sara ni nga ai shara hkan gaw, Laban nawku Missa hta shanhte hti dan, mungga htawn rai ma ai. Cecilia Hkawn Mai ni nga ai Miwa gumsan mung hta, nawku jawng n nga ai shara hta gaw, Jau, sara ni n nga ai re majaw, Laban nawku hpawng hta Wechat online Grup hku nna sha, jawm hpyi ai; Kabu Gara Shiga ni hpe mung nawku woi awn ai wa/jan sha hti dan ai. Kabu Gara Shiga hpe hti ngut ai shaloi Mungga n hkaw ai sha, Kasa ni a Masham Masham Ga hpe mahkawn yang mai ai kun?

Cecilia Hkawn Mai hte manang ni hpe grai shakawn shagrau dat nngai.  Rai nga ai, Laban Nawku hpawng hpe online hku mara da ai hpe hkan nna lawm mai ai.  Shing n rai, online hku shagun da/mara da ai chyum mungga ni hpe madat la nna, jahkring mi jawm sumru yu let – tinang hkam la lu ai wenyi n-gun chyeju ni hpe tsun dan garan ai mung shalawm mai nga ai.  Ya galaw nga ai hku mung jaw nga ai.  Ahkyak dik ai lam gaw – nawku hpawng hta anhte Karai kasang hte hkrum na, shada da grau tsaw ra myit hkrum hkat wa na lam rai nga ai.  Nanhte hpe Chyoi Pra ai Wenyi woi awn let Madu Yesu a sasan magam hpe woi galaw nga ai; Shi hpe madat mu, shi sharin ya nna, woi awn ya na ra ai. 

San ai wa –  Zaubung Jau Aseng Zaubung mare kaw nga lai wa nna, ya, Miwa Gumsan Mung, Lung Ling kaw shanu nga ai Cicilia Labang Hkawn Mai san