Madu Yesu Hkristu gaw kabu gara shiga gat hkai hkawm ai shaloi kaga mare, kaga kahtawng ni hta shi a mungga madat la nna myit malai lu ai hte shi hpe kam sham ai lam anhte na la lu nga ga ai.

Raitimung shi a buga Nazaret mare hta bai du wa nna shi kabu gara shiga hkaw tsun ai shaloi shi a buga masha ni, shi hpe n hkap la ma ai hpe shi hkrum sha lai wa sai rai nga ai.

Shi a mare buga masha ni shi hpe n hkap la ma ai majaw dai mare buga hta lamyik kumla law law n galaw ai.