Kam sham ai myit hte n lahpawt dum ai sha, garum shingtau ai a akyu chyeju gaw htam latsa n-ga law htam wa lu ai.

Daini na kabu gara shiga hta muk tawng lahkawng  hte nga tawng manga hpe alu jaw ai hta Madu Yesu gaw masha hkying kaba hpe bai jaw lu jaw sha lu hkra shalaw jahtam shaman ya ai. Dai re majaw anhte gaw ap nawng daw jau ai lam hta tinang lu ai ninggun atsam kachyi mi sha re ai raitimung, tsawra myit kaba hte daw jau lu na grai ahkyak nga ai.

Anhte a tsawra myit kaba ai hpe yu nna anhte a sak jaw ap nawng ai lam hpe Karai Kasang gaw htam latsa htam hkying shalaw jahtam shaman ya na rai nga ai.