Salum kata na tsun ai ngu ai gaw, anhte a salum ni wan grung nga ai hpe ngu ai sha nrai, shingran laika a hkum tsup ai Nawku Hpung a salum hte kam sham ai hpung masha ni a salum ni hta dai Madu a Mungga prat labau hkrun lam dingyang hkan nang mat wa ai lam ni hpe myit jahtoi ya hkrum ai hpe ngu mayu ai rai nga ai.
Anhte ma kaji ni naw rai nga yang, Kashin Kamun chyeju kumla hku nna, Wa Karai Kasang anhte hpe jaw ya sai ndai Hkristu hte bung pre ai asak gaw, Kawa hpang de bai nhtang wa ai kasha zawn, Wa a matsan dum njin ai tsawra myit, bai Nu Maria a tsawra di kai kasha ni hku nna, hkap ahpum la ai, hpung shingkang hta anhte hpe ala nga ai, ndai a hpum la ai lam lahkawng a lapran hta anhte sak hkrung nga ga ai ngu ai hpe hpung masha ni chye madat hkam sha hkra garum ya ai gaw, mungga hkaw ai wa a matu yak ai raitim, tsawm htap ai lit langai mi rai nga ai.
#Catechism
#rvakachinservice