Karai kasang gaw anhte yawng hpe kasa ni hpe zawn bum ntsa de lung na matu saw shaga da ai. Shi gaw anhte hpe ban sa lam lu la na hpe jaw ya nga ai. Raitim prat a ningdang hkat ai lam ni hkrum na matu, bum ntsa kaw na yu wa yang, jet ai masam maram lam ni du hkrum wa na re. Tinang a prat hta, myit htum na zawn re ai mabyin lam ni hte hkrum katut wa yang, Karai Kasang hta anhte tawn da ai kam sham lam, hkam la ai lam ni galai shai lu na kun? Anhte a gawng kya ai lam ni a majaw, kasa Simon Peter zawn Madu Yesu hpe nyet kau na kun?

Bai anhte a myit ru tsam pu lam ni hte, hkrit kajawng ai majaw kasa ni zawn Karai Kasang hpe kabai kau hkrup na kun? Dai zawn re ai aten ni hta, Karai Kasang gaw, anhte shi hpe mu chye lu na matu, chyeju jaw ya na re. Shi a ninggun atsam gaw, anhte hte rau prat a mayak lam ni hpe matut galaw hparan la lu na rai nga ai ngu anhte myit mada kam hpa sak hkrung hkawm sa ra ga ai re.