Myitkyina Saradaw Ginwang Hta Jau Ningnan Marai (4) Bai Lu La Sai Majaw Karai Kasang Hpe Chyeju Dum Ga Ai
Myanmar Mungdan, Kahtawlik Nawku hpung, Myitkyina Saradaw Sasana hta August 6, 2025 ya shani Deacon marai mali hpe jau aya hkam ya ai jau shatai poi hpe angwi apyaw galaw la lu sai rai nna jau ningnan mali hpe bai lu la sai majaw Karai Kasang hpe chyeju dum ga ai.
Wa jau ningnan ni gaw WaiMaw Jau Ginwang na, Deacon Clement Lagang Hkawng Ze
Mogawng Jau Ginwang na, Deacon Lucas Hpau Re La Awng
Hpakant Jau Ginwang na Deacon Patrick Langa Tu Hkawng
Kachyihtu Jau Ginwang na Deacon Thomas Salaw Brang Awng ni rai nga ai.
Htani htana jau aya hpe Myiktyina Sasana Sagurem wa, Saradaw John Mung Ngawn La Sam hkam ya ai rai nna Wa Saradaw John Mung Ngawn La Sam hku nna shawng ningnan lang jau shatai Sakramentu hpe jaw ai jau shatai poi mung rai nga ai.
Jau shatai Missa Hkungga ngut ai hpang wa jau ningnan ni hpe shagrau ai lamang hpe matut galaw ai.
Jau shatai Missa Hkungga hpe Edin, San Luka nawku jawng wang hta galaw ai rai nna, nawku hpung masha ni marai (5000) jan sa du akyu hpyi shang lawm ai hte angwi apyaw sha galaw la lu sai majaw Karai Kasang hpe chyeju dum ga ai.
