(19th Ordinary Sunday; Year C)
PRAN WAN LADAW LABAN (19), C SHANING
(19th Ordinary Sunday; Year C)
Hkristu hta tsawra hkungga ai nu wa hpu nau ni ndai laban gaw pran wan ladaw hta laban 19 rai nga ai.
Chyum mungga daw langai hpaji ningli hta Karai Kasang gaw shi a chyoi pra ai amyu masha ni hpe tau hkrau sadi jaw nna, shi a Wenyi hku nna hkye hkrang la ai lam hte simsa lam hpe hpaw shadan dan ai lam tsun da ai hpe mu lu ai. Karai Kasang a “chyeju” hte “ra sharawng ai lam” gaw nsin sin ai mungkan hta anhte hpe lam madun ya ai lam nhtoi rai nga ai.
Karai Kasang gaw tau hkrau chyen da ai
Hkrit tsang hpa garai n byin shi yang Shi a amyu masha ni hpe sadi jaw ai lam gaw Shi a tsawra myit hte lanu lahku ai lam hpe madun dan nga ai.Dai ni ten du hkra Karai Kasang anhte hpe Chyum Laika, akyu hpyi ai lam hte chyoi pra Wenyi a nsen hte lam madun ya nga ai.
Madat mara ai lam hte chyoi pra ai lam hpe shadum ya ai.
“Shi a tara hte asak hkrung lu na mara ai” ngu ai gaw, Karai Kasang a mungga hpe sadi dung let madat mara ai hte hkawm sa ai gaw prat a awng dang lam a madung re ngu nna sharin ya nga ai.
Chyeju A Manu dan ai lam hpe shadum ya ai.-
Karai Kasang a chyeju gaw myit mada shara hte makam masham jaw ya nga ai. Dai chyeju hpe anhte chye na ai rai yang, anhte a prat hpe Shi ra sharawng ai hku woi awn nga ai hpe kam sham mai nga ai.
Akyu hpyi ra ai lam hta”Wa e, Na a chyoi pra ai mungga hpe madat mara lu na matu anhte hpe nhtoi jahtoi ya mi. Mabyin masa shagu hta Na a chyeju hpe kam hpa let, chyoi pra ai lam hta ngang ngang tsap lu na matu karum la rit.” Ngu nna hpyi nem ra ai.
Chyum mungga daw lahkawng Hebre laika hta e Makam masham ngu ai gaw, myit mada ai arai ni a lam myit mu myit hkut nga ai hte n mu lu ai arai ni a lam tau chye tawn lu ai hpe ngu ai rai nga ai (Hebre 11:1).Ndai hebre laika hta Ga Shaka Dingsa kaw na kam sham ai ni a kasi ningli ni hpe tang madun da ai hte, Karai Kasang hpe kam hpa manoi manat ai ni a sak hkrung lam hku nna makam masham a akri namta hpe sang lang dan da nga ai.Abraham a Makam masham hte* seng nna mung tsun da nga ai. Abraham gaw Karai Kasang a ga hpe madat mara let, shi a dum nta hte buga hpe kau da nna, gara de sa wa ai hpe n chye ai sha hkawm sa wa ai (V. 8). Raitim Ndai lam gaw **myit mada ai lam n nga ai masa lam hta Karai Kasang hpe kam sham ai lam a ga shadawn rai nga ai.** Dai hta n-ga, lu la sai ga sadi ni hpe mu lu ai hte myit mada let ga sadi da ai mungdan hta manam zawn nga lai wa sai (VV. 9-10). Shi hte Sara gaw shingra tara hku nna kashu kasha n lu shaprat tim Karai Kasang a ga sadi hpe kam sham lai wa ai (VV. 11-12).
Myit mada lam hte chyam dinglik ai lam tsun da ai hpe mu lu ai(V. 13-19)** Ndai kam sham ai ni gaw ga sadi hpe asan sha n mu lu shi ai raitim, tsan tsan kaw nna mu mada ai zawn kam sham ma ai (V. 13). Isak hpe hkungga nawng na matu Karai Kasang a matsun hpe Abraham madat mara lai wa ai (VV. 17-19). Dai gaw Karai Kasang shi hpe si ai kaw na bai jahkrung sharawt la lu ai hpe kam ai majaw rai nga ai.
Ndai daw lahkawng hku nna anhte hpe sharin ya ai lam gaw
1.Kam sham ai gaw mu lu ai hta grau ai lam rai nga ai– Karai Kasang a mungga hta mahta nna n mu lu ai lam ni hpe kam sham ai lam ra nga ai.
2.Madat mara ai hte ap nawng ai lam nga ra ai. – Abraham zawn Karai Kasang hpe tsep kawp ap nawng da ra ai.
3. **Ga Sadi hpe hkan sa ai lam shadum ya nga ai* – Anhte a prat hta chyam dinglik lam ni nga tim, Karai Kasang a sadi dung ai lam hpe n mai malap kau ai.
Ndai bat na lk a kabu gara shiga 12: 32-33 hta sagu hpung kaji e hkum hkrit et; dai mungdan nanhte hpe jaw na hpe, nanhte a kawa gaw myit sharawng nga ai. Nanhte hta nga ai arai dut kau nna alu jaw mu, htum nchye ai sumsing sut gan hpe kyem da mu. Kaning rai nme law nanhte a sut gan nga ai kaw nanhte a myit masin mung nga na myit dai. Nga nna shadum tsun da nga ai. Shalan shabran lam hte ga sadi jaw ai lam: mu lu ai. Yesu gaw shi a hpang hkan ai ni hpe “sagu hpung kaji” hku nna shalan shabran ya ai hte Karai Kasang shanhte hpe **mungdan** jaw na ngu nna ga sadi jaw da ai. Ndai gaw hkrit tsang ai lam n nga ai sha kam hpa lu na lam a npawt nhpang rai nga ai. Shanglawt ya ai * Arung arai ni hpe tawn kau ai gaw matsan mayan rai nga na matu matsun ai n rai nga ai. Shi a **gyit hkang da ai kaw na lawt lu nna, grau kaba ai lam langai ngai (mungdan) hpe ap nawng kau lu ai atsam hpe sharin ya ai lam mahtang rai nga ai.
Myit masin a sutgan: hte seng nna mung shadum ya ai.* Anhte a sutgan, aten, atsam marai ni hpe gara kaw arang bang nga ga ai kun? Mungkan arung arai ni a ntsa e, shing nrai Karai Kasang a mungdan hte shinggyim masha ni a akyu ara a ntsa e rai nga ai kun? Anhte a **myit masin ra sharawng ai** gaw anhte a **arang bang ai** hte rau rai nga ai. Sumsing lamu hta n htum n wai ai sutgan hpe mahkawng da ai gaw Karai Kasang hte Shi a amyu masha ni a matu asak hkrung shangun ai lam mung rai nga ai. Daw kaji 35-40: Sadi maja ai lam ahkyak ai hpe tsun da ai.> “Dai shani na matu bu hpun sumli nna, nanhte a pyengdin ni hpe shatu nna, jin jin rai nga mu… kaning rai nme law, Madu gara nhtoi hta du sa wa na hpe nanhte n chye myit dai.” (Luka 12:35, 40) hpe mu lu ai.
Hkyen Lajang ra Ai Lam: mung shadum ya nga ai..Yesu lahkawng lang bai du sa na hpe ala nga ra ai. Ndai la nga ai gaw bungli n galaw ai sha nga na matu tsun ai lam nrai nga ai. Dai gaw, shamu shamawt ai hte jin jin rai nna yu maram ra ai prat rai nga ai. Aten hpe n chye shangun ai hpe mu lu ai. Madu bai du sa na aten hpe tup hkrak n chye lu ai. Dai majaw **galoi mung jin jin rai nga na** ahkyak nga ai. Hpang jahtum nhtoi gaw hkrit hpa lam n re ai sha, kam sham ai ni a matu kabu gara hkrum zup ai lam mahtang rai nga ai. Dai rai yang gaw, kangka ai hte myit su ai kunhting wa gaw, kadai wa rai ta?… Dai sadi dung ai hte myit su ai mayam gaw, shi a madu gaw shi a arai ni hpe up shangun nna, shi a nta masha ni yawng hpe mung up shangun na wu ai.lk 12: 42,44
Lit magam jaw ai zawn Kam hpa ai lam nga ai. Karai Kasang gaw anhte a atsam marai hta hkan nna **lit magam** (arung arai, aten, machye machyang, nyan hpaji, daw jau ai atsam ni hpe jaw da ya ai. Ndai gaw Shi a **kam hpa ai lam** rai nga ai. Sadi dung ai hte hpaji rawng ai wa hte seng nna tsun da ai. Sadi dung ai hte hpaji rawng ai kunhting wa – gaw shi a madu bai du wa ai shaloi **jin jin rai nga sai**. * shi a mayam ni hpe ** aten dep lusha jaw ai** (shadu sha na matu n ra ai). Wenyi lam, ra kadawn ai lam ni hpe shadik shatup ai lachyum re). * **Madu ap ya ai magam lit ni hta sadi dung let Madu hpe daw jau ai gaw ahkyak nga ai. Shagrau kumhpa hte ari jaw ai lam mung tsun da ai* **Kam sham ai ni:** hpe grau kaba ai lit ni jaw ya ai, Madu shi nan shagrau shatsaw ya na re nga nna mung tsun da ai(44). Madu shi nan shanhte hpe lusha garan ya na re (37) ngu nna tsun da nga ai.
Sadi n dung ni rai yang gaw Tinang a ahkang aya hpe shut ai hku jai lang ai, n pu e nga ai ni hpe dip gamyet sha ai, “Nye a madu hpang hkrat na ra ai” ngu myit la let tinang a myit ra ai hku hkan galaw ai (45) dai zawn kam ai hku up hkang ai ni hpe laja lana ari jaw na re (46). Lam tsun da ai
Hpaji hte lit la chye ai lam (47-48):** Ahkyak dik ai hpe sharin la lu nga ai* *anhte gaw *Chye nna n galaw ai:** Madu a myit ra ai lam hpe **chye nna** n galaw ai, n hkyen lajang ai wa gaw**grai laja ai hku kayat ai** hkrum na re. (Hpaji gaw grau kaba ai lit re. Madung tara: hta e** **”Law law jaw ai wa hpe law law hpyi na ra ai. Law law ap ya ai wa hpe grau nna hpyi na ra ai”** (48).
Karai Kasang jaw ya ai arai ni (arung arai, ahkaw ahkang, machye machyang, hpaji byeng-ya, daw jau ai atsam) ni gaw **lit magam** hte rau sa wa ai. Rai nga ai. Grau lu ai wa gaw lit kaba hkam la ra ai. * **Hpaji gaw** jaw da ai sutgan rai nga ai hte, grau kaba ai lit hpe gun hpai shangun nga ai lam mung rai nga ai. Ta tut hkan sa ra ai lam ni gaw
1. **Hkum hkrit mu, kam sham nga mu:** ngu nna madu gaw tsun tawai.Karai Kasang nang ngai hpe mungdan jaw ngut chyalu re. Ndai makam masham gaw hkrit myit hpe tawt lai lu na matu npawt nhpang rai nga ai.
2.Mungdan sutgan hta arang bang ga:** Na a sutgan, aten, atsam marai ni hpe ndai mungkan ga na hten za mat chye ai arai ni htan, Karai Kasang a mungdan rawt jat galu kaba wa na matu hte masha ni a akyu ara a matu jai lang ga. Na a myit masin gaw na a sutgan hpe hkan nang na re.
3.Galoi mung jin jin rai nga ga:** Yesu Hkristu bai du sa na hpe ala nga ga. Ndai ala nga ai lam gaw kaman lila rai nga ai lam n re ai sha, sadi dung let daw jau ai, akyang lailen san seng ai hte Karai Kasang ra sharawng ai lam hpe tam nna galaw ai hku asak hkrung ai lam rai nga ai.
Karai Kasang nang hpe jaw da ai nang hkum nan a sutgan (gumhpraw, aten, machye machyang, hpaji byeng-ya, atsam marai ni) hte Shi jaw da ai lit ni (dinghku, nawku hpung, bungli, wuhpung wuhpawng) ni hpe sadi dung ai hte hpaji rawng ai hku **Madu a matu** hparan hpareng, nga ga.Shanhte hpe hkum roi rip.
Tinang a lit hpe sadi dung ai hte gun hpai nga u:** Karai Kasang jaw ya ai tinang hkum nan a sut gan (gumhpraw, aten, machye machyang, hpaji byeng-ya, atsam marai ni) hte Shi nang hpe ap ya ai lit (dinghku, nawku hpung, magam bungli, wuhpung wuhpawng) ni hpe **Madu a matu** sadi dung ai hte hpaji rawng ai hku up hkang ra ai, hparan hpareng ra ai.
5. **maChye machyang gaw lit magam hpe sharawt ya ai:** Chyum laika hti ai, akyu hpyi ai, nawku jawng jawng sa ai hku nna Karai Kasang ra sharawng ai lam hpe sharin la nga ga. Nang sharin la lu ai lam ni hpe teng man ai prat hta tatut hkan sa na matu gaw na a lit rai nga ai. Grau chye wa magang, lit kaba wa magang rai nga ai.
Sadi jaw da nga ai* Yesu bai du sa ai lam gaw kam sham ai hte sadi dung ai ni a matu kabu gara ai hkrum zup lam rai tim, hkyen lajang ai lam n nga ai, sadi n dung ai hte uphkang ai lam galaw nga ai ni a matu gaw hkrit hpa lam tai wa na re.
Dai majaw Karai Kasang a ga sadi hpe kam sham nga ga. Shi jaw da ai mungdan sutgan a matu asak hkrung nga ga. Madu bai du sa na nhtoi a matu galoi mung jin jin rai nga ga. Na a sutgan hte lit magam ni hpe sadi dung let hpaji rawng ai hku nga sa jai lang ra ai. Nang chye ai tengman ai lam hte maren asak hkrung na ahkyak ai. Ndai lam hku nna sha, Madu gaw nang ngai hpe “kaja ai hte sadi dung ai mayam” ngu nna shakawn nna, Mungdan a kabu gara ai hta shang lu na mung rai nga ai.
CHYUM MUNGGA DAW NI:-
Hpaji Byeng-ya 18:6-9 ……. Hebre masha ni gaw, ding hpring ai ni hkye hkrang la hkrum na lam hpe myit mada ala nga ma ai.
Hebre 11:1-2, 8-12 ……. Karai Kasang shachyaw da nna, ningpawt ninghpang grin nga ai mare hpe, myit mada nga ga ai.
Luka 12:32-48 ……. Nanhte n hten ai nhtoi hte, n shadu ai ahkying hta, Masha Kasha du sa wa na ra ai majaw, maja nga nna hkyen lajang da mu.
#homily
#rvakachinservice