Htai Ya Ai Wa – Wa Jau Dr. Joseph Gawlu Yung Wa

GA SAN – Missa Hkungga nawku daw jau ai lam hta asung jashawn ai arung arai ni a lam hte galaw shamu shamawt ai kumla ni a lam, hkrang ni hte masat masa ni a lam hpe chye ju hte naw htai ya rit.

HTAI – Ja Seng Pan e Missa Hkungga hta lang ai arung arai ni, galaw ai masat kumla ni hpe ndai kaw sang lang dan na matu aten grai la ra na re majaw, kaga hku nna she bai shana ya na re.  Raitim, tinang chye mayu ai daw, langai, lahkawng hpe san ai rai yang gaw aten n ma ai hte grau loi na re.
GA SAN – Lu Sha Gam Ladaw hta Laban hpang Manga Ya shani, Wudang kawan akyu hpyi ai lam hpe galaw yang, Sa-ra (14) sumla hpe noi da ai nawku jawng kaw sha mai galaw ai kun?

Sa-ra shi-mali a sumla n nga ai shara, nta hkan wudang kawan akyu hpyi ai lam hpe mai galaw na kun?

HTAI – Kahtawlik Mahkawn mangwi Laika buk kaw rawng ai Wudang Kawan ai masing hpe lang nna, nawku jawng hta rai tim, tinang a nta kaw rai tim, yi su hkauna hkan rai tim tinang aten jaw lu ai aten hta hkungga jaw akyu hpyi mai nga ai.

San Ai Wa – Nmawk Jau ginwang, Goi Kahtawng, Zaibru Yang kaw nga nna, ya, Lai Za kaw du taw nga ai Lucia Labang Ja Seng Pan hte Kut Hkai Jau Aseng, Ta Mung Ne mare kaw shanu nga ai Agnes Mahaw Kai Nan