Daini na Ja Chyum Mungga hpe hti sum ru yu ai shaloi e, Gideon gaw Karai Kasang hpe shi Isreal masha ni hpe gara hku hkye la lu na ngu san ai. Bai shi gaw ninggun kya ai wa, Karai a magam ngu na matu n gindan ai ngu hkam sha ai. Raitim shi magrau grang ai wa n rai tim, Karai Kasang a myu masha ni hpe hkye la na matu lata la hkrum ai wa rai nga ai. Karai Kasang a garum matsan dum ai hte, tinang hkum nan galaw gwi yang she dai amu hpe awng dang lu na re ngu shi sharin la lu ai. Ndai zawn re atsam marai hte hkam jan lu ai lam ni gaw Karai Kasang kaw na chyeju kumhpa nan rai nga ai.
Madu a kabu gara shiga hta e, Karai Kasang gaw lang law law wa, “Ninggun awai la mu ngai she rai nngai, hkum hkrit mu nga nna (Mt 14:27) hta anhte hpe tsun nga ai. Ndai shadum ga gaw anhte hpe myit ninggun jaw nna, matut hkawm sa na lam a n’gun nan rai nga ai. Sumsing mungdan gaw lu la na matu n mai byin na re ngu sawn da nga ga ai. Raitimung g Madu Yesu gaw kam sham ai hte matut hkawn sa na matu n’gun jaw nga ai. Gideon zawn n byin mai ai lam hpe Karai Kasang a chyeju hte gwi gwi lu la hkra shakut ga. Madu a prat hta byin hkrum wa na manghkang ni hpe Karai Kasang hta kam hpa manoi manat let shi madu a chyeju hte matu hkawm sa ga law.