Anhte n kau mi gaw, pu ba hkra amu galaw nna masat da ai ten hpe n yu ai sha myit mada let aput angun n nga galaw nga ma ai. Amu zing ai shaloi e gaw, kumhpa n lu ai hta sha n ga, grau sawng ai gaw, hpang jahtum she shang galaw ai wa  amu ngut ai hte kaja dik shagrau sha a hkrum chye nga ai. Dai zawn re ai hta tinang gaw myit n pyaw ai hte n tara ai ngu hkam sha nga chye ga ai. Shinggyim masha a prat ngu ai gaw ndai kun? Kalang lang e tinang a atsam marai hte kaga masha a ntsa tawn da ai myit mada shara gaw madu a prat hta lu la na kabu pyaw hpa lam ni hpe pat shingdang kau ya chye nga ai. Daini na kabu gara shiga hta, kaga masha wa grau lu la ai shaloi n lu hkap la ai. N chye madat ai. madu galaw sa ai magam bungli ni a majaw, kaga wa akyu hkam sha n na hkyam sa lam lu la ai ngu ai hpe n mu chye ga ai. Karai Kasang gaw ndai amu a apu asi ni hkam la lu na hpe ra sharawng nga ai. Anhte myit hkrum da ai bungli a shabrai manu jahpu lu la sai zawn kaga n ra ai shajan lu mayu ai myit marin lam ni hpe dawm kau ra nga ai. Bai kaga masha wa hpe hkap la nna, tinang a amu shabrai a matu chyeju dum na aten du taw sai hpe dum chye nga ga law.