Nu Maria lamu mungdan de woi shalun la ai poi hte lamu hkaw hkam jan tai ai lam ni hpe Rosary a mung sung ga sung ni hta mu lu ga ai. Ndai poi lahkawng hpe nawku hpung a nawku daw jau ai hkrang hta, matut manoi poi hpe galaw nga ai re. Nu Maria mung si chye ai, htenza mat chye ai hkum hkrang lu ai raitim, Karai Kasang gaw, shi a kasha Yesu Hkristu a Kanu re ai majaw, htenza mat na ahkang n jaw nga ai. Madu Yesu a hkye hkrang la ai magam hta, Nu Maria gaw kam sham ai hte, ngang ngang tsap nga ai majaw, Shi hpe Sumsing lamu a hkaw hkam jan ngu shagrau sha a na shara jaw ai hpe hkam la ai.

Raitim nawku hpung a daw jau ladat hta, Nu Maria hpe shagrau sha a kam hpa ai lam gaw, Nu Maria hpe nawku daw jau ai lam n re hpe, ja ja chye shangun mayu ai. Dai majaw, Nu Maria a htinglu hting lai akyu hpyi ya ai a marang e, anhte gaw Nu Maria hte rau nga nga ai re. Grau n na Rasary hti akyu hpyi ai shaloi shi hte arau nga nga ga ai. Dai majaw Nu Maria gaw, anhte hpe Madu Yesu kaw du hkra lam woi ya ai hte, Nu Maria hpe kam hpa let Karai Kasang kaw kyu hpyi ai hte, Karai Kasang hpe grau tsawra wa ai zawn, tinang a manang ni hpe mung grau grau tsawra wa lu ai re.