Kashu kasha ni a mai kaja lam a matu galaw ya ai kawa langai mi a myit masa manu dan ai zawn, St. Paul shi a hpung masha ni a matu ba ai n nga shakut mat wa ai re. Dai zawn sha San Monica mung shi kasha Augustine a pyaw len lai ai, tengman ai lam hte pyaw ngawn ai lam ni sum mat wa nga ai majaw, hkrap myiprwi hte kyu hpyi ya ai majaw, grai mying gumhkawng mat wa ai. San Monica gaw St. Augustine a matu myiprwi si hte hkrap let kyu hpyi ai majaw, Madu Yesu matsan dum nna Gaida kanu a myiprwi hte maren hkam sha nga ai.

Dai hte maren sha hpa mung n nga ai Augustine a wenyi lam yan hta kaman rai nga ai hpe Madu Yesu gaw shi hpe bai asak hkrung nga pra shangun da sai. Shingrai ya ten e Kanu Kawa n kau mi tinang a kashu kasha ni a majaw, myit tsam pu nga ai ni law law rai nga ai. Dai ni a matu anhte myitdum akyu hpyi ya nga ga. Tinang a kasha ni myit n su ai majaw, myit ru shoi hpa hkrum nga ai Kanu ni hpe mung Karai Kasang shalan ya u ga. Karai Kasang hte tsan gang taw nga ai ni hpe mung Karai a tsawra myit hte hpring zup ai salum kaw shingbyi nga lu mu ga.