HTAI YA AI WA – WA JAU DR. JOSEPH GAWLU YUNG WA

GA SAN – Hpu nau Miwa Bukda hpung masha ni, shanhte naw ai nat hpe hkungga nawng ya ngut sai malu masha, namsi namsaw ni hpe bai sha ma ai.  Anhte Hkristan hpung masha ni sha lawm yang mara lu na kun?

HTAI – 1Korihtu 10:27-28 hta na Kasa Pawlu sharin ai hpe hti dan na:

“N kam n sham ai wa (Hkristan n re ai wa) langai ngai, nanhte hpe shaga nna, nanhte a man e baw jaw majaw hte hpe sha mu; hpa hkum san hkum gawn myit.  Rai timung, marai langai ngai, ndai gaw shagu hkungga shan re nga nna tsun dan myit yang gaw, shadum jahprang ai wa the myit ung ang ai ni a jaw e hkum sha myit.”

“Nanhte sah timung, lu timung, hpa galaw timmung, nga manga hta Karai Kasang a hpung shingkang tam let, galaw nga mu” (v. 1).

Dai majaw, Wa Jau htai ya mayu ai gaw, tinang a hpung masha ni myit n kataw na matu sadi ga;

Nta de jinghku hku nna sa jaw sha ai rai yang mung, Karai Kasang hpe dai malu masha ni a matu chyeju dum akyu hpyi shakawn nna sha u.

GA SAN –

HTAI – Hkristan makam masham gaw “Si ai kaw na bai hkrung rawt sai Madu Yesu gaw, si mat sai ni yawng hpe bai jahkrung sharawt la na re” ngu ai rai nga ai.  Ji wa ni a lup ni de sa kawan ai gaw mai kaja ai bungli rai nga ai.  Ya hpau jun, baw gum naw na malai, shaman ntsin the gat, hpayawng deng wan sh

atu let akyu hpyi ya ga.  Dai ji wa ni a wenyi ni Karai Kasang hpe, Madu Yesu hpe kam sham ai chyeju lu na matu akyu hpyi ya ga.

San ai ni – Kutkai Jau Aseng, Ta Mu Nye mare e nga ai Agnes Mahkaw Kai Nan hte Prang Hkudung Jau Aseng, Mung Hka mare kaw nga lai wa nna, ya, Miwa Gumsan Mung, Lung Shawn Jau Ginwang, Husa muklum kaw nga ai, Jan Cecilia Pau Sang Seng Pan