Daini na Madu a kabu gara shiga hta e Madu Yesu Nazaret myu kata na manam jarawp hta Chyum mungga hti, tara hkaw ai lam ni hta e anhte hkan sa ra ai lam ni hta na

No.1 Madu hkum nan aten la nna, Karai Kasang hte rau nga u. Shi madu hpe aten jaw nna wenyi n gun la u. Shaloi jang tinang a prat hta n’gun atsam grau grau lu la na re.

No.2 Madu lu ai Karai Kasang kaw na wenyi n’gun atsam hpe e, kaga masha wa a matu gam garan ya u. Ap nawng daw jau ya u.

No.3 Dai zawn gam garan ya ai shaloi e madu hpe ninghkap ai jahpoi asawng jahpyak ai ni mung hkrum katut na gaw teng sha re ngu ai hpe mung tau nau myit sawn da chye na  grai ahkyak ai.

Ndai lahta kaw tsun dan sai lam masum hte maren, chyum mungga daw (24) hta, Ngai nanhte hpe teng teng tsun made ga, kadai myihtoi mung tinang a buga e hkap la hkrum ai n rai, nga nna Madu Yesu tsun shadum da sai hpe myit dum let, anhte yawng gaw hpa lam ni hta raitim zai ladat shaw let, ap nawng hkawm sa nga ga law.