Daini na kabu gara shiga hta e, Madu Karai Kasang Kahpanaum myu kata na manam jarawp nta hta, Nat shung ai masha langai mi hpe nat hkyawt kau ya nu ai. Shingrai ndai mabyin hta e masha hpan mali hpe anhte mu na ga ai.

( 1 ) Madu Karai e nang gaw kaga masha wa hpe shamai shatsai ya ai wa hte garum shingtau hkye mawai la ai wa rai nga ndai.

( 2 ) Nat tsadan ngu ai Grid ga si gaw, kaga masha wa a sari sadang hpe hkra jahten ai wa ngu lachyum nga nga ai.

( 3 )  Nat tsadan shung hkrum ai wa, kaga mi hku nga yang, n kaja ai lam lama ma mi dip ga up da hkrum ai wa re.

( 4 ) Shawa masha unawng uwa ni gaw mau mahka ai hte shanhte mu mada ai hku tsun ai hta lai nna, kaga hpa mung byin wa ai lam n nga ai.

Rai yang e shiga madat nang ngai yawng gaw, ndai hpan mali hta na gara hpan kaw lawm nga ai kun? Kaning re ai masha hpan re kun? Bai kaning re ai masha hpan rai ging nga ga ai kun? Nang ngai ja ja sumru yu mai nga ai. Ndai hpan mali hpe sumru yu nna, tinang a hkristan prat hta mai kaja ai magam lam ni hta shakut sa nga ga law.