PRAN WAN LADAW LABAN ( 23 ) C shaning, 2025
Chyum Mungga Daw ( 1 ) , HpjNi : 9:13-18
Anhte a shinggyim bawnu nyan marai gaw n hpring tsup ai, karai kasang lam woi madun ai lam hpe chyena lu na matu, shi a myit ra ai lam hpe chye na hkan sa na matu the kaja ai lam hta daw dan lu na matu
Daw ( 2 ) Philemon – anhte a makam masham gaw anhte kaga masha ni hpe gara hku hkap la kanawn mazum ai ngu ai lam hpe galai shai shangun ai. Kasa Polu tsun ai Onesimus ngu ai masha yawng hpe Christu hta kahpu kanau zawn hkap la, tsawra kanawn mazum ra ai lam hpe shadum ya ai. kaga masha ni hpe mung karai karai kasang hta dinghku masha langai mi hku na hkap la nhtawm tsawra myit madun ra ai,mara dat ya ra ai lam hpe shadum ya nga ai.
KABU GARA SHIGA : Luka 14: 25 -33 Madu Yesu shi hpang hkan ai ni hkrum ang ai mayak lam ai hpe atsawm sha chye na lu na matu, nta galaw ai wa gaw n-galaw shi yang hkrat ang ai ja gumhpraw, arung arai ni hpe shawng hkyen lajang ra ai zawn anhte mung dai zawn sha Madu Yesu a hpang hkan ai shaloi hkrum katut wa na yak hkak jam jau lam ni, apnawng daw jau sak jaw ra ai lam ni hpe hkyen lajang da ra ai lam hpe madi madun ya ai.
Filtration ngu ai hka jen jak gaw, nsan nseng hka hpe, filter medium the jen shapraw kau ai.
Filtration shagu hta madung daw masum nga ai:
1. The Feed: N ra sharawng ai arung arai ni lawm ai
2. The Filter: San seng ai lam hpe galaw ya ai ladat/hpaji .
3. The Filtrate: Process ngut ai hpang byin pru wa ai lam .
Hkristan langai hku nna anhte a Prat mung “filtration galaw ai lam” rai nga ai.
>> Bai nna, daw masum mung lawm ai
1. The Feed: Anhte a prat – anhte a gawng kya ai lam ni hte mara galaw ai myit jasat
2. The Filter: Yesu, Wudang hta jen da hkrum ai Madu – Anhte hpe jasan jaseng ya ai
3. The Filtrate: Hkristu a Sape langai hku nna anhte a prat – chyoi pra ai hte sasana magam bungli hpe myit mada let sak hkrung ai.
Anhte a prat na “FEED” hpe “FILTER” hte hkrum katut na matu anhte jin jin rai nga ga ai kun…
… san seng ai chyoi pra ai “FILTRATE” hku nna pru wa lu na matu?”
Dai shani na Kabu Gara Shiga gaw, Shi hpang hkan nang ai ni yawng hpe Madu a ndai shadum jahprang ga rai nga ai:
“tinang a kanu kawa, madu jan, kashu kasha ni, kahpu kanau ni the tinang hkum hpe grau tsawra ai wa gaw nye a sape n mai byin ai! Tinang a wudang hpai nna, nye a hpang n hkan ai wa gaw, nye a sape n tai lu ai!” (Lk 14: 26-27) hpe mu lu ai.
Kabu Gara Shiga hpe “Yesu hte rau masha wunawng wuwa kaba hkan nang nga ma ai…” (Lk 14:25) ngu ai ga hte hpang da nga ai.
Dai masha wunawng wuwa gaw Yesu hpang hkan na matu yaw shada lam nbung na re .
>> Nkau mi shamai shatsai hkam la lu na matu hte Shi a lata hte hkra lu na matu (Lk 6:19)
>> Nkau mi gaw Kabu Gara Shiga na la nna Shi a hpang hkan na matu (Lk 5:11)
>> Nkau mi gaw Madu lajang ya ai muk (lusha) hpe sha sha na matu (Lk 9:17)
>> Nkau mi gaw shanhte a chye mayu ai myit hte myit lawm ai lam hpe shadik shatup na matu (Lk 4:22)
>> Nkau mi gaw Shi kadai re ai, Shi a yaw shada lam hpa re ai hpe san jep na matu (Lk 7:18-19)
Masha wunawng wuwa ni a yaw shada ai lam ni nbung ai rai tim, Madu gaw kadai ni hpe ra sharawng ai hpe asan sha tsun da nga ai:
1. Prat hta Madu hpe ahkyak dik htum tawn ai ni .
2. Tinang a wudang hpe hpai mayu ai ni.
3. Madu a matu, Yawng mayawng hpe ap kau na jin jin rai nga ai ni
Ndai lam hpe jahtum tawn na matu, Yesu gaw Yesu a sape shagu hpe Shi hpang hkan nang ai lam a tengman ai lam hpe san jep shangun na ga shadawn lahkawng hpe tsun dan ai .
Langai- Langchyi gap mayu ai wa a ga shadawn (Lk 14:28-30)
>> Nang kade daram manu jahpu jaw ra na hpe sawn yu na matu, Yesu hpang hkan nang na matu myit rawt nga ai kun?
Lahkawng. Majan gasat mayu ai hkawhkam wa a ga shadawn (Lk 14:31-32)
>> Dai hta lawm ai hkrit tsang hpa ni hpe sawn la na matu, Yesu hpang hkan na matu myit rawt nga ai kun?
Ndai gaw Hkristu a hpang hkan nang ai Hkristan yawng chyam dinglik yu na matu rai nga ai…
… bai nna, sasana magam hta Hkristu a matu sape ni hpe hkap la na matu shakut nga ai ni yawng hpe mung!
>> Ngai gaw “manu jahpu hpe hti yu” nna “hkrit tsang hpa ni hpe sawn” yu sai kun, Yesu a hpang hkan ai ngu ai lachyum ai hpe chye na ai kun…
mau hpa lamik kumla lam ni a hpang de sha hkan mat na matu kun; shing nrai Yesu zawn asak hkrung ai lam de hkawm na matu kun– matsan mayan hkrum ai, madat mara ai hte myit masin san seng ai hte!
Hkristan mying lu nna, madung lit ni hpe n gun hpai ai sha n-ga; anhte galaw ai lam yawng hta, Madu hte Shi a Mungdanlam hpe grau nna ahkyak shatai nna galaw na mung a hkyak nga ai
… akyu hpyi ga ni hpe hti nna shakawn mahkawn sha n-ga;Karai Kasang a Hpung Shingkang a matu tinang hkum hpe apnawng ai hte yawng mayawng hpe daw jau ai hta matsan mayan ni hpe karum shingtau ai lam hpe mung galaw ra nga ai.
Anhte yawng hta, teng sha anhte a gawng kya ai lam ni hte mungkan lam ni hpe ra sharawng ai myit jasat ni nga ai. Anhte gaw, Yesu hpang teng sha hkan nang na matu kaja ai myit jasat rawng nga ai…
>> hpa majaw nga yang…
… ngang kang ai myit jasat n nga ai
… n chye chyang ai hpe lam madun ya lu ai masha n nga ai .
… myit daw myit hten shangun ai mabyin masa amyu myu hte n hkru n kaja ai lam ni nga nga ai.
>> Yesu a hpang teng sha hkan nang na matu yakhkak nga ai.
FEED, anhte a prat hpe Yesu hpe ap nawng da ra ai…
Anhte a matu Wudang hta jen da hkrum ai Madu du shang wa na ahkang jaw ga – Shi gaw anhte a FILTER rai nga ai!
>> Anhte hpe san seng hkra jasan jaseng na re .
>> Shi gaw anhte hpe kaja ai myit jasat hpe n-gun jaw na re .
>> Shi gaw anhte hpe nden marai hte sadi dung na matu hte myit rawt ai lam ni hpe galu kaba shangun ya na re .
Bai nna anhte gaw, kaja ai FILTRATE – Hkristu a sape langai hku nna asak hkrung lu na re…
… san seng chyoi pra ai hte asak hkrung nna, masha yawng hpe Hkristu a Tsawra myit de woi sa na matu, sasana magam bungli hta shang lawm ai hte sak hkrung hkawm sa nga ga.