Npawt shut hpyit mara n kap ai Chyoi pra Maria a shangai n’htoi poi hta e Shi a kasha Karai Kasang rai nga ai Madu Yesu Hkristu a kaji kawoi aru arat ni a labau mying jahpan ni hpe anhte na la lu saga ai. Dai ahkying aten ni hta, Yuda masha ni a kaji kawoi mying jahpan hta e, shayi num sha marai manga a mying lawm taw nga ai gaw grai nan lak lai taw nga ai rai nga sai.

Dai ni kaw na Tamar, Rahat, Besheba ngu ai num ni gaw, labau n tsawm mat nga ma ai. Ndai Yuda mash ni a a labau hta e, Shadang la sha langai mi a sari sadang gaw, kawa kaw na sa wa ai rai nna, amyu shayi sha langai mi a matu gaw, shi shangai ai la kasha kaw na lu ai rai nga ai lam labau hta ka da nga ai.

Shingrai Kawa Karai Kasang a kashu kasha ni rai ga ai anhte ni mung Nu Maria a matu hpa lam ni bai lu galaw ya na kun? Ya daini Nu Maria a shangai poi nhtoi shani hta e, anhte nang ngai yawng mung mahtai tam let kaja dik ai shangai n’htoi masat kumhpa jaw ga law.