Ja gumhpraw lusut lusu ngamu ngamai ai. Hkru hkru kat kat lu lu, lu sha ai ni, mani kabu pyaw ai ni, bai masha ni e shakawn shagrau hkrum ai ni hpe dingnye lu na ra ai nga daini Madu Yesu hkaw tsun nga sai re. Dai majaw tinang lu ai sutgan Ja gumhpraw hpe kaga ra kadawng nga ai ni hpe karum shingtau ai lam n nga ai sha, madu hkrai tinggyeng madu da chye ai ni, madu a kan hkru na lam hpe chyu sha myit dum chye nna, kaga masha wa jam jau hkrum nga ai hpe nang gaw yu kabu taw nga ai wa rai nna, kaga wa hpe arawng aya shing jawng taw ai wa rai yang nang gaw dingnye lu ai wa re. Bai kaga maga mi hku na nga jang, matsan jam jau tim Karai Kasang hpe kam hpa ai lam gaw n nga rai chye ai. Lu na sha na n nga tim shagrit shanem ai myit gaw n rawng, matsan jam jau nna hkrap ngu hkrap ngoi rai hkrum sha nga tim pyi shakut na myit n rawng ma ai. Madu a mara hte madu kaga masha ni tinang hpe n ju n dawng rai nga tim, madu a hkum hpe bai gram yu na ngu ai myit nan n rawng ai nga yang e mung, dai gaw kaga dingbai dingna langai mi bai jat la sai nan rai nga ai nu wa ni, dai majaw tinang a hkum hpe dinglik yu nna, shakut sa ga law.