Nhtoi September 21,Laban shani  Angelus akyu hpyi ai hta, Wa Sarabyin Leo XIV gaw, n tara ai kunhting wa a ga shadawn hpe myit sumru let, nawku hpung masha ni hpe Karai Kasang kaw na lu la ai chyeju kumhpa ni hpe gara hku hparan hpareng ra ai lam, Anhte a arung arai ni hpe jai lang ai lam hpe myit sumru na matu hte, madung hku nna, “yawng hta manu dan dik htum ai kaja ai lam, anhte a prat hpe gara hku uphkang ra ai lam ni hpe myit sumru yu na matu Wa Sarabyin Leo saw shaga lai wa ai.”

N tara ai kunhting wa a ga shadawn hpe myit sumru let, “anhte a prat hte anhte hkam la nga ai arung arai ni a madu n re”, anhte lu tawn da ai yawng gaw Karai Kasang kaw na chyeju kumhpa ni re, Karai Kasang gaw ndai chyeju kumhpa ni hpe “anhte a kan bau  ai lam, anhte a lawt lu lam, lit la chye na matu  anhte hpe ap ya ai chyeju kumhpa ni re ai lam hpe sang lang dan ai.

 Yesu a ga shadawn gaw, lani mi na aten hta, “anhte hkum nan, anhte a sut gan ni, ga ntsa na sutgan ni hpe”  hparan chye na matu shaga la hkrum ai hpe shadum ya nga ai.

‘Ndai mungkan a sutgan gaw htum mat wa wa re.

Wa Sarabyin Leo gaw, ndai ga shadawn hta lawm ai, Kunhting wa gaw, shi a akyu hpe sha tam ai, shi  bungli sum mat ai shani du hkra rai nga ai. Dai shaloi she, shi a shawng lam hpe gara hku makawp maga na ngu ai hpe myit yu ra ai shaloi, sutgan mahkawng da ai gaw manu dan dik htum n re ai hpe chye na wa ai, “ndai mungkan a sutgan ni gaw lai mat wa nga ai” nga nna Wa Sarabyin tsun ai.

Shi a hparan ladat gaw, shi hkum nan hkam la ra ai daw hpe kau da nna, hka kap ai ni hpe mara raw ya na matu, shi a bungli sum kau ai, “rai tim, shi hpe karum madi shadaw na matu jin jin rai nga na manang ni hpe lu la ai.” “n tara ai sutgan ni hpe jai lang nna, nanhte a matu jinghku hku nna, dai sutgan ni htum mat ai shaloi, htani htana nta ni de nanhte hpe hkap tau la lu na matu” ngu ai hpe Yesu a shadum jahprang ya ai. 

Jet ai sutgan: Karai Kasang hte mung, shada da mung jinghku hku ai

Dai n ding n man ai kunhting wa gaw, “shi a tingkyeng myit hpe tawn kau da nna” manang ni hpe tam lu ai rai yang, Hkristan ni gaw “ndai mungkan a sutgan ni hte anhte a prat hpe, Madu hte hpunau ni hte jinghku hku ai lam rai nga ai teng man ai sutgan hpe myit mada let, grau nna jai lang ra na kun?”

 Wa Saradaw Leo gaw, n tara ai hunhting wa a ga shadawn gaw, anhte lu la ai arung arai ni hpe gara hku hparan nga ai ngu ai hpe san yu na matu saw shaga nga ai: Anhte gaw, tinang hkum hpe sha myit nna, tinang hkum myit ai lam hpe sha hkan sa nga ga ai kun? Shing nrai,  Karai Kasang kaw na chyeju kumhpa hku nna, yawng mayawng hpe grau tara rap ra ai mungkan hpe gawgap na matu, hkap la nga ai kun? Madu anhte hpe ap ya ai lam hpe tara rap ra ai hte lit la let uphkang ai sadi dung ai hpareng ni tai wa lu na matu, Nu Maria kaw akyu hpyi ga,” nga nna Wa Sarabyin tsun da nga ai.