Karai Kasang  a tsawra matsan dum ai myit hpe hkam sha lu na ra sharawng let  anhte kyu hpyi ai shaloi e, masha ni hpe tsawra lama ai myit hpe tawn da let, shanhte ni kaja ai maga de galai shai wa na matu myit mada let hkap la chye na matu ra ahkyak nga ai. Anhte a prat hta e akyu hpyi ai lam, hkaw tsun ai kabu gara shiga a ntsa hta Myihtoi Yona zawn myit htum mat nna, Karai Kasang hpe tsun aput angun nga nga na kun. Tinang hkaw tsun garan gachyan ai Karai Kasang a tara lam ni hpe anhte prat hta e mung ta tut hkan galaw hkan shakut na grai ra ahkyak nga ga ai.