Daini na Ja Chyum Mungga hpe hti sumru yu ai shaloi e, masha ni Yesu kaw lamik kumla hpyi ma ai lam na lu ga ai. Chyum laika hta Ramma langai mi gaw hpang jahtum pandung re ai jahtum chyalai asak hpe lu la mayu ai nga nna Madu Yesu kaw sa hpyi shawn nga ai. Shaloi Madu Yesu gaw, ning pawt ning hpang tara rai nga ai, tara kanu lam ni hpe hkan sa na matu n’gun jaw dat nga ai. Dai tara lam ni hpe kaji nga ai ten kaw na hkan sa galaw ai lam bai htan tsun dan sai. Ya matut na shi hpa naw galaw ra na ta ngu san dat nu ai. Shaloi e Madu Yesu gaw tsawra myit majing hte shi hpe yu mada let, nang kaw nga ai arung arai ni dut nna, matsan masha ni hpe gam garan ya u.

Dai hpang e nye a hpang hkan nang rit ngu shaga dat u ai. Raitim shabrang ma wa gaw myiman n tsawm ai hte n htang gayin mat wa ai. Hpa majaw nga yang dai shabrang ma wa gaw, htani htana asak rai nga ai. Madu Karai hpe madu lu na matu, mungkan a sutgan ra marin ai lam ni hte galai kau nga ai. Shingrai anhte hkan sa nga ai tara kanu lam ni, bai anhte kaw nga ai sutgan arung arai ni gaw, Madu Yesu hte ni htep na matu, garum ya nga ai kun? (sh) n lu garum ya ai kun? Ngu ai hpe anhte nang ngai yawng shani shagu madu a hkum hpe sung sung li li sumru dinglik yu nna nga sa na grai ra ahkyak nga ai re.