HTAI YA AI WA – Wa Jau Joseph Gawlu Yung Wa
GA SAN – Ngai kaji ai ten, bawda e nga yang, Tara laika sharin ai shaloi chye la ai gaw: Sakramentu (7) nga ai. Dai Sakramentu ni htana 4 (Kashin Kamun, Mara Raw, Chyoi Pra Hkum hte N-gun Shaja) du hkra lu hkam la sai ni gaw, kaga nawku hpung ni de num wa mat ai, hpung gale mat ai lam ni hpe n mai galaw sai. Shaman chyeju sum sai nga tsun dan ai hpe ngai na myit kraw hta galoi mung myit dum taw ai. Dai gaw kaja re ai kun?
HTAI -Magdalena Lasang Hkawn Ra e, (Kashin Kamun, Mara Raw, Chyoi Pra Hkum hte N-gun Shaja) Chyeju Kumla ni hpe hkam la sai Kahtawlik Hpung masha langai mi, kaga nawku hpung de shang mat tim, shi kalang mi hkam la da sai chyeju kumhpa masat ni gaw n prai mat ai. Raitim, Nawku Hpung kata hta n rai mat sai, dai chyeju Kumla ni hpe matut nna n hkam la sai majaw dai chyeju ni gaw (sunspense) ngu ai hkring mat ai sha rai nga ai. Shi Nawku Hpung kata de bai wa nna matut hkam la ai shaloi, dai chyeju ni matut nna bai lwi shang na rai nga ai, ngu nna htai ya dat ai.
SAN AI WA – Shawng de Manmaw Sasana, Namlim Pa Jau Ginwang, Mung Lu Sara Nhtawn, Hpaga Rai mare kaw nga lai wa nna, ya, Myitkyina Sasana, Mogawng Jau Ginwang – Nam Sheng mare, lawk (3) kaw bai nga, magam bungli a majaw Pang Wa ginra – Hulu Shan kaw du taw nga ai, Magdalena Lasang Hkawn Ra
