Anhte a wenyi lam yang hta, grin ai hte n grin ai lam ngu nna ginhka chye mat sai rai yang, gara wa hpe gaw hkrit ra ai hte n hkrit ra ai ngu ai hpe mung mu mada wa na sha re. Mungkan ntsa sak hkrung nga pra sa ai ten hta, n grin ai hkum hkrang hpe tut e lanu lahku aten jaw nna, san seng hkra taw da chye ai zawn, tut e a grin nga ai wenyi lam yan hpe mung, grau tsawm htap hkra tawn da chye na ra nga ga ai. Shingrai kalang lang e n grin ai anhte hkum hkrang hpe gaw gawn lajang nga chye ga ai.

 Bai nna tut nawng grin nga ai wenyi lam yan hpe rai yang e gaw, malap mali galaw kau nga chye ga ai. Tinang hkum hkrang a matu lu na sha na hpe chyu sha madung galaw nga nna, wenyi n gun a matu lu sha hpe gaw malap kau chye nga ai. Dai re majaw Madu Yesu gaw, daini anhte hkrit tsang ra ai gaw, gara mahtang rai nga a ta ngu ai hpe ja ja madi madun tsun shadum ya sai re. Tinang a hkum hkrang hpe chyu sha madung da gawn lajang nna, wenyi hpe jasum kau na malai, hkum hkrang hpe sak jaw let, tut e a grin nga ai asak lu la nna, sak hkrung nga pra sa na ra nga ai lam hpe sadi jaw shadum ya nga ai re.