Anhte ni hpa galaw ra na ngu ai hpe chye nga ninglen n galaw ai sha nga taw ai gaw, lagawn ai hta nna, tinang a prat hta e hpa baw lam hpe raitim ahkyak n tawn da, byin mai ai hku nga sa chye ai wa a myit masa hta madung byin nga ai. Galaw sa ra na lit magam hpe chye ai. Raitim dai lit magam hpe ahkyak n da, malap mali n galaw kau ai rai yang, myit masa n hkum zup ai kumla hte bung nga ai. Bai masha hpe sari sadang nga ai wa ngu lu tsun na matu gaw, tinang a lit magam hpe chye nna, hkan galaw sa chye ai wa hpe rai yang sari sadang nga ai masha ngu lu tsun nga ai.

Dai zawn sha, Madu Karai a mungga hta, tinang a madu wa ra sharawng ai lam hpe chye nga tim, madu a ra sharawng hte maren n hkan galaw sa ai mayam wa gaw, mara dan hkam la ra na rai nga ai. Shinggyim masha a prat hta e, dinghpring dingman chye na ai pangdung ngu ai nga ra ai. Madu a lit magam ni chye sai rai yang, kaja ai hpang hkan nang chye ai wa rai nna, Madu Karai a ra sharawng ai hte maren, dangdi dang dep ai made shakut galaw sa na sha ra nga ai. Ndai lam ni hpe chye na hkan sa let, a ten shagu hta Karai Kasang a ra sharawng ai lam hta hkawm sa shakut ga law.