San pra ai Martine gaw, Sapain myu kaba aru arat kaw na shangai wa ai rai nga ai. Shi a prat hpe matsan ai ni, n lu n su re ai ni, si na daram machyi makaw hkrum nga ai ni a matu, ap nawng ya ai Dominican u hpung kaw ap nawng ai wa re. Dai majaw shi hpe e matsan jam jau ai ni a kawa ngu masha ni chye ai law wa ai. San pra ai Martine gaw masha shagu gaw, Karai a kasha ni re. Sari sadang hpring zup ng ai ngu myit la nga ai.

Ya daini na, kabu gara shiga a nam chyim hta mung, shinggyim masha a sari sadang hpe aja wa tsun da nga ai. Anhte ni jet ai hku hkau lam hpe manu shadan nga ga ai kun? (sh) anhte a hku hkau lam ni gaw, tinang a akyu matu chyu sha rai nga ga ai kun? Dai hte maren matsan jam jau machyi makaw hkrum nga ai ni hpe yu shalai kau ga ai kun? Raitim mung, matsan dum myit hte shagrit shanem ai lam gaw, kaga masha wa a sari sadang hpe mu mada chye lu na matu hte, tinang a gawng kya ai lam ni hpe mu chye lu na nhtoi jaw ya nga ai. San pra ai Matine hku nna, Karai Kasang gaw, mau hpa lam ni hpe galaw ya ai raitim, shi gaw tut e shagrit shanem ai hte Karai Kasang hpe chyu sha shakawng nga chye ai wa re.