Anhte nimarai langai hte langai hpa baw hka ni nga nga ga ai kun? Hka kap ai rai yang hpa baw hka raitim bai wa kau ra ai. Kaga masha wa hpe jaw ra ai arai ni hpe jaw nan bai n htang jaw ya ra ai. Raitim Kasa Pawlu gaw sutgan ja gumhpraw ni hpe tsun mayu ai lam n re ai sadi jaw da nga ai. Anhte shada da kaw kap taw nga ai hka ni gaw tsawra myit hka mung lawm nga ai. Dai tsawra myit hka hpe gaw, tsepkawp lu ap nawng wa kau lu na gaw n mai byin na re. Karai Kasang a hkrang bung sumla hte hpan da hkrum ai.

Anhte masha langai hpra gaw, tsawra myit hpe hkungga manu shadan ga.  Masha yawng gaw tsawra myit hte ganawn mazum nga na matu, shaga la hkrum ai rai ga ai. Chyum mungga hta, Madu Yesu a tara lam mung dai zawn sha rai nga ai. Madu Yesu kaw nna, hkam sharang let, ap nawng daw jau ai, tsawra myit hpe anhte hkan sa na saw shaga nga ai. Shingrai ntsa lam tsawra myit hta, grau ai Madu Karai a tsawra myit hpe madung tawn da hkan sa shakut ai lam nan re. Madu hte ni htep ai ni hpe, matsan dum lama ai lam grau madun dan ra ai lam hpe, grau shadan shadawng ya nga ai. Dai majaw, Madu a hpang hkan na matu ap nawng ya ra ai Hka gaw, tsawra myit Hka rai nga ai. Ndai Hka hpe Madu Karai Kasang hte ni htep ai ni hpe sak jaw na n’gun dat nga ga law.