Wa Sarabyin ni a laika nkau mi
“‘Nawku hpung a matsan mayan ni hpe tsawra ai myit gaw . . . shi a galoi mung galaw taw nga ai htung lailen langai mi rai nga ai.’ Ndai tsawra myit gaw, Yesu a a’ lu tara lam ni kaw na byin pru wa ai re.” (Catechism, No. 2444, 2448, Centesimus annus, No. 57 hte Libertatis conscientia, No. 68)
“Nawku hpung a Kaga masha ni hpe tsawra ai myit gaw, Hkristu shi nan hpe mu mada ai matsan mayan ni hpe tsawra ai myit, tara rap ra lam hpe shachyen shaja ai lam hta, tengman ai lam hpe shabyin ya nga ai.” (San Yawhan Pawlu II, Latsa ning hpring ai shaloi [Centesimus Annus], No. 58) hta ka da nga ai.
“Masha yawng a matu tara rap ra lam hpe jaw na lit gaw, matsan masha ni hte amyu sha ni hpe sut masa lam hta ahkaw ahkang jaw nag aw ahkyak dik re.” (United Mungdan Kahtawlik Saradaw ni a Zuphpawng, Yawng a matu Sut Masa Tara Rap Ra Lam, No. 86)
“‘Ndai mungkan a sutgan lu ai wa gaw, shi a hpunau wa ra kadawn nga ai hpe mu nna, shi a myit masin hpe pat da ai wa gaw, Karai Kasang a tsaw ra ai myit gaw, shi hta kaning rai nga lu na a ta?’ (1 Yhn 3:17) Moi shawng na Nawku hpung hpushawng hpuba ni gaw matsan mayan ni hpe galoi n kabai da ai lam hpe yawng chye nga ai. Mungkan ga gaw sut su ai ni a matu n rai, yawng a matu rai nga ai.’” (San Pawlu VI, Amyu bawsang ni a rawt jat galu kaba lam hte seng nna [Populorum Progressio], no. 23)
“Bawngban jahkrup ai lam gaw matsan mayan, shingdu tawn da hkrum ai ni a malai, ra sharawng ai lam hpe madi shadaw ai sha n-ga, shanhte hpe woi awn ai lit nga ai. ‘masha nkau mi a matu masha nkau mi galaw da ai masing,’ ‘laika man hta myit hkrum da ai lam n nga ai rai yang, ‘myihtoi ga nsen hpe shapraw ra ai,’ anhte Hkristan ni hku nna dai hpe na lu na hkra shakut ra ga ai.” (Wa Sarabyin Francis, Tsawra ai Amazon [Querida Amazonia], No. 27) hta lawm nga ai.
“Anhte hpe tsawra myit sharin ya lam ai hta, Kabu Gara Shiga gaw matsan mayan ni hpe grau nna hkungga lara ai lam hte shanhte a shinggyim wuhpawng kata na laksan masa hpe sharin ya nga ai: grau nna chyeju hpring ai ni gaw shanhte a arung arai ni hpe kaga masha ni a daw jau ai hta grau nna gam jaw gam ya lu na matu shanhte a ahkaw ahkang nkau mi hpe kau da ra ai.” (San Pawlu VI, Magam Bungli galaw na matu shaga la ai laika [Octogesima Adveniens], No. 23)