Daini na Ja Chyum Mungga hpe hti sum ru yu ai shaloi e, masha kasha a du sa ai ninghtoi hpe na la lu ga ai. San pra ai Augustine tsun ai. Shi gaw, Karai Kasang hpe nawku daw jau na malai, mungkan a arawng aya ni hpe sha nawku daw jau nga ai. Shinggyin masha ni a n dum shai ai lam ni hte, mungkan a myit ru shoihpa lam ni gaw, Karai Kasang a magam lam hpe dum lu na grai nan yak hkak tsan gang nga ai. Noah gaw Karai a ga madat n na, Sanghpaw kaba shachyaw nga ai ten, masha law malaw gaw Karai Kasang hpe malap mali rai nga nna, shanhte a n kaja al lam hta sha pyaw len taw nga ai.

Raitim shani shagu galaw ai magam bungli ni gaw, kaja ai amu ni rai nga nna, lai kyang hten za na lam mung n rai nga ai. Shani shagu galaw ai lu ai sha ai, hkai rem ai, gaw gap galaw ai lam ni gaw, masha prat a matu shani shagu ra ai lam nan re. Dai lam n kaja ai mung n re, kaja sha ra madung gaw, ndai mungkan masha ni a magam bungli ni kaw na hpan Madu Karai hpe n mu mada ai, matut mahkai lam mung n nga ai. Shingrai anhte ni shani shagu sak hkrung nga pra sa ai ten hta, Karai Kasang hpe malap mali, rai n mai nga nga ga ai. Shani shagu na sak prat hta, Karai hpe madung tawn da sak hkrung let, Madu Karai chyu sha lam shagu hpe jahkum shazup ya lu ai wa, yaw shada lam jaw ya ai wa, prat hpe jaw ya ai wa, Madu Karai re ai hpe myit dum let nga sa ga law.