Daini na Ja Chyum Mungga hpe hti sum ru yu ai shaloi e, Yerihku mare na myi kyaw ai wa hpe Yesu shamai ya ai lam na chye lu ga ai. Elizabeth ngu ai shayi sha gaw, Louise hte hkungran ai Hangery mungdan na hkaw hkam a kasha rai nga ai. Shi asak grai naw kaji ai kawn na gaida da mat na, machyi masha ni a matu shi gap ai tsi rung kaw tsi tsi lajang ya ai. Dai hta grau nna, shi a ten hte n gun atsam hpe akyu hpyi ai hta sha ten law nga nu ai. Shi gaw Franciscan lay massionary hpung kaw shang nna, ya dai hpung hpe yu makawp maga ai San pra ai jan rai nga ai.

Shi hkungran ngut ai hpang, matsan jam jau ai ni hpe jaw lu jaw sha yu lajang ai hpe, shi a prat ap nawng da nu ai. Shi a madu wa mung shi galaw ai lam ni gaw, teng sha Karai Kasang a mu magam lam re hpe mau na zawn re ai lamik kumla ni mu hkrum lu ai majaw, shi hpe galoi e mung garum ya nga ai. Dai mau hpa lam gaw, Elizabeth gaw, manggang kap ai machyi masha hpe shanhte a yupra ku kaw, yup hkring sa shangun ai. Shinggan na bai wa ai madu wa Louis gaw, pawt mara tam let, nba hpe ka aw dat ai shaloi, dai machyi ai masha wa gaw, Wudang ntsa hta Madu Yesu a hkrang galai taw nga ai hpe mu dat nu ai. Shi a matsing bok hta, mahkra dang chye ai Karai gaw, Louis a wenyi myi hpe hpaw ya sai ngu ka da ai. Louis hpe zawn anhte a wenyi myi hpe Madu Karai hpaw ya u ga. Anhte amasin salum chying hka hpe hpaw da ga law.