Wa Sarabyin Leo XIV gaw, November 19 shani na General Audience hta, kam sham ai hpung masha ni hku nna, ra kadawn nga ai ni hpe garum na matu, grup yin hpe makawp maga na matu, anhte a nsen hpe jai lang na matu, Karai Kasang shaga nga ai hpe, kam sham ai hpung masha ni hpe shadum lai wa ai.
“Yesu Hkristu, Anhte a Myit Mada Lam” ngu ai ga baw hpe matut let, General Audience hta, Wa Sarabyin Leo XIV gaw, madat nga ai hpung masha ni hpe, Yesu ra sharawng ai hte maren, “reverse lam” galaw na matu, Hkristu a hkrung rawt ai lam gaw anhte a prat hpe galai shai ya na ahkang jaw na matu tsun shadut da ai.
Hkristu a galai shai ya lu ai atsam: Hkristu a hkye hkrang la ai magam bungli hta shi hpe ahkang jaw ai rai yang, Karai Kasang, kaga masha ni, hpan da ai lam ni hte kanawn mazum lam ni hpe galai shai ya lu ai.
Maria Magdalena a Ga shadawn: Maria Magdalena gaw, shawng nnan e hkrap let, Hkrung rawt sai Yesu hpe sun galaw ai wa shadu ai. Shi a mying hpe shaga ai shaloi she, shi bai dum hprang wa ai. Ndai lam gaw anhte mung Hkristan myit mada lam hpe asi si na matu ahkang jaw ra ai, anhte a myit masin hpe galai shai ra ai, ya aten na mayak mahkak ni hpe hparan ya lu ai lam hpe madi madun nga ai.
Sun galaw ai Wa” A Lachyum: Wa Sarabyin gaw, Yesu gaw “yawng mayawng hpe nnan shabyin kau ai majaw” “Masha nnan” re ai majaw, Maria gaw sun galaw ai wa hte hkrum ai ngu myit ai hta shi n shut ai (Shr 21:5).
Integral Ecology and Conversion: N nga mat sai Wa Sarabyin Francis a ‘Laudato si’ hpe lakap nna, Wa Sarabyin Leo gaw, “myit sawn sumru yu ai lam” ra ai lam hpe madi madun let, dai n nga yang, shinggyim masha ni gaw sun hpe makawp maga ai wa n rai, dai sun hpe jahten sharun ai wa tai wa na hpe sadi jaw da nga ai.
Si hkrung si htan hte hkrung rawt ai lam gaw “integral ecology a wenyi lam.” a npawt nhpang rai nga ai.
Ndai lam gaw “Yesu ra sharawng ai tengman ai lam hpe galai shai kau ai hte garan ginhka n mai ai “ecological galai shai ai lam” rai nga ai.
Galai shai wa ai labau: Maria “bai n htang wa ai” gaw ra kadawn ai galai shai lam a kumla rai nga ai. Wa Sarabyin tsun ai hta, myit masin kaw nna hpang wa ai wenyi daw gaw, “labau hpe galai shai ya ai,” masha ni hpe shawa man hta shanglawm shangun ai, masha ni hte hpan da ai lam hpe makawp maga na matu kahkyin gumdin lam hpe shamu shamawt shangun ya lu nga ai.
Wa Sarabyin gaw, anhte a lit hpe hkap la nna gun hpai nna du lu ai “sun, shing nrai Hparadisu” hpe mu lu na matu, nsen n pru ai ni hpe madat mara lu ai atsam chyoi pra ai Wenyi jaw ya na matu akyu hpyi ga hte hpungdim dat ai.