San Columban gaw Irish myu sha ni kaw na magrau grang dik ai sasana magam gun rai nga ai. Shi gaw 563 ning hta West Leinster mare kaw shangai wa ai. Shi a brang ram ten hta mahkawn kasha ni law law shi hpe n gup aga hte mung, laili laka shagun n na mung, dingsi madun n na mung grai gyam gunglau ma ai. Shaloi Columban gaw tara grai shakut ai num langai mi kaw hpaji sa hpyi ai. Dai num gaw, shi hpe “Mahkawn ni kaw n na nang gaw aloi sha yen mat lu na shadu n dai i?“
Eva a mahkam kaw Adam mahkam hkam hkrum ai hpe nang n dum nni? N gun ja la ai laba wa Samsung mung Delilan mying ai num sha e mahkam hkam la kau lu ai n rai a ni? Dingman ai lam hta myit kaba ai Davi hkawhkam mung Bathsheba mahkawn a tsawm htap la ai a gung a lau kaw lawm mat wa ai n rai a ni? Hpaji byeng ya kung zet dik ai Solomum hkaw hkam wa mung tsawm ai num ni e gunglau kau ai n re a ni? Kaga shara de she hkawm mat wa u. Masha law law hka yawng hkrat si mat ai hka hpe shingdu yawn kau da u. Nga n na hpaji jaw ya wu ai.
N dai hpaji jaw ga matsun na lu ai majaw, San Columban gaw shi a n ta hte jinghku jingyu ni hpe tawn kau da n htawm jau tai jawng de shang mat na hkyen yang, shi a kanu gaw shi hpe Jau tai jawng de n sa na matu chyinghka lam e kaleng pat shingdang da nu ai. Shi mahtang kanu hpe shingkawt da nna Jau tai jawng de shang mat ai. Columban gaw lam galu hkawm sa nna hkaw tsun ai hpe shi grau sharawng nga ai. Karai Kasang Abraham hpe shaga ai nsen, “Na a mungdan buga hte n-wa a nta kaw na pru n htawm Ngai nang hpe madun na lamu ga de rawt sa wa su.” Ngu ai hpe shi a na hta n sim n sa ngoi gara nga ai.
Dai rai shi a asak 25 ning hta jau tai wa sai. Shi a chyoi pra ai nga sat nga sa lam ni a majaw kaga manang ni mung, shi zawn hkan shatup na myit sharawng wa ma ai. Columban asak 30 ning hta manang 12 hte rau, Francis hte Belgium mung de sa wu sai. Shi gaw Ireland mung hte mungdan shara shagu de hkawm sa n htawm, matsan ai masha ni hpe Madu a kabu Gara Shiga hkaw tsun dan let, shagrit shanem ai lam hpe kasi kaja hte madun sharin nga ai.
Columban tsun yu ai “ Masha ngu ai gaw shada jahta apak ai, kaga masha ni a lam shatan n hkan, daw dan kau ai lam ni hpe kaga lam ni hta grau nna sharawng nga ai. Dai majaw kaja ai hte n kaja ai hpe ginhka chye ai shinglet n lu ai wa gaw azim sha nga ang ai. Shing n rai yang lama ma hpe tsun dat ai shaloi, ngwi pyaw simsa ai hpe jaw ya ai ga rai ra ai”. Columban gaw tara shadik jawng ni law law hpaw da sai hta n-ga, matsan masha ni mai kaja ai hte galaw lu galaw sha na matu garum shingtau ya sai.
Ireland mung na hkawhkam wa n hkru n kaja ai bungli galaw sai lam hpe aja awa tsun sharin sai majaw, Hkawhkam wa masin pawt nna Ireland mung kaw nna Scotlend mung de shi sa hprawng nga ra sai. Dai mung a dingda maga na masha ni gaw makam masham lu la nga masai raitim, dingdung maga na masha ni gaw gawngu sumla ni hpe nawku daw jau nga ma ai. San Columban nsin nsa karai Kasang a mung ga sharain hkaw tsun nga yang, ru yak jam jau lam amyu myu hkrum nga ai. Shi shakut shaja ai a marang e Karai Kasang hpe kam sham ai masha law htam wa sai. San Columban hte shi a manang 12 gaw Lona ngu ai shara hta Ginjaw kaba shatai nna dai shara hta nawku jawng kaba gap da ma ai. Lona gaw shaning law law du hkra, San Pra ai masha ni hpe lup makoi ai shara tai wa sai. Scotland hkawhkam ni si ai shaloi mung dai shara de moi mang sa lup makoi mayang ma ai.
San Columban gaw shi a prat nga sat nga sa ai hta myit grai lawan ai hte myit masat masa lam kaja ai, myit kalu kaba rawng ai wa rai nga ai. Dai rai nna Karai Kasang a chyeju hte grit nem si mani ai sari rawng ai Jau rai nga ai. Shi gaw matsan mayan ru yak jam jau hkrum ai ni hpe tsawra matsan dum chye ai wa rai nga ai. Shi a ahkying aten hpe atsawm sha asung jashawn nna, laili laika hti ai hte hkaw tsun sharin shaga ai akyu hpyi shakut ai lam galaw nga ai. Shi gaw kung zet hpaji rawng ai wa re majaw masha garum hpyi shagu hpaji jaw garum ya nga ai. San Columban gaw shi a mungdan rai nga ai Ireland mung hpe grai tsawra nga ai. Raitim shi a mungdan de bai n` nhtang wa ai sha, Scotland mung hte kaga shara hkan makam masham maden jat wa hkra shakut sai. San Columban gaw 615 November 21 ya shani asak 72 ning hta Bobbio na Jau jawng wang e si mat wa sai. Shi si ai hpang shi a nrut nra ni hpe Ireland mungdan de la wa nna Litster shara kaw lup makoi da masai.
Shi a poi hpe November 23 ya shani masat da sai.
