Myitkyina Sasana Sagurem Wa, Wa Saradaw John Mung Ngawn La Sam, Shawng Ningnan Lang, Myitkyina Alam Wudang Bum Jau Ginwang, Sagu Hpung Masha Ni Hpang De, Sa Du Kawan Ninggun Jaw

Dai ni, 23 Nov, 2025 HKRISTU HKAWHKAM POI LABAN POI Shani hta, Myitkyina Alam Wudang Bum Jau Ginwang, San Marry Nawku Jawng Wang hta Ginwang Up Wajau Luka Kawa Tu Mai hte rau sha nawku hpung masha ni yawng hkra kabu gara let, Sagurem Wa, Wa Saradaw hte rau Wajau Jerome Nding La Raw ( Saradaw rung amu madu) ni hpe, kabu gara hkap tau hkalum la let, Missa Hkungga hpe nawng jau la lu sai rai nga ai

Missa Hkungga hta, Wa Saradaw John Mung Ngawn La Sam hte rau, Wa Jau Luka Kawa Tu Mai yan kawn woi awn let, hpung masha marai -130 tup hpe mung

N’gun Shaja Sakrementu hpe, jaw ya lai wa sai rai nga ai, Missa Hkungga ngut ai hpang, Wa Saradaw hpe, Wunpawng Htung Hking magun shatlit ni hte rau sha hkalum shagrau la let, Wa Saradaw John Mung Ngawn La Sam kawn Sagu hpung masha ni hpe n’gun jaw mungga shaga la let, awng dang ai hku galaw la lu saga ai

Ndai Alam Wudawng Bum Jau Ginwang kata hta, Sara Gaiwang – 3 nga ai rai nna, Hpung htinggaw gaw -313 hte, hpung masha yawng -2013 ram nga ai Jau Ginwang langai re lam hpe mung chye lu ga ai,

#alamparish

#st.marry

#localnews