Daini na Ja Chyum Mungga hpe hti sumru yu ai shaloi e, maihpang hpun hpe yu nna chye la mu nga Madu Yesu sharin shaga ai lam na chye lu ga ai. Ndai kabu gara shiga hta, Yesu Madu tsun ai ga gaw, Myihtoi Daniela a chyum laika kaw na masha ni ala nga ai Mesia hkyela Madu du sa na lam hte, dai Madu gaw du sa sai rai nga ai. Dai chyum laika hta, tsun da ai Masha ngu ai ga si hpe Madu Yesu jahkring hkring sung lang nga ai. Yesu gaw shi a kasa ni hpe sumsing lamu hte mungkan ga htum mat tim, ngai a mungga gaw htum mat na n re ngu tsun dan nga ai.

 Madu Yesu a mungga gaw, dinggrin anga nga na rai nga ai. Bai shi Madu mung tut nawng up hkang nga na rai nga ai. Hpang jahtum e gaw, n kaja ai ni yawng hkrat sum mat na sha rai nga ai. Shing nga nna Daniela a laika hta madi shadaw ka da nga ai. Hkristan ni mung hkum hkrang bai hkrung rawt wa ai hte, tut nawng asak bai hkrung na re lam hpe kam sham nna, myit mada ala nga ma ai. Anhte ni mung yak hkak ai mang hkang lam ni hte, n tara ai hku daw dan hkrum sha nga ai raitim mung, kasha shingtai Madu Yesu a marang e, si ai hte mara ni a gyit hkang da ai kaw na, Madu Karai Kasang gaw, awng dang lam lu la ai hte, hpa kam shut shara n nga nga ai hpe, anhte yawng kam sham nga ga ai.