Nawku hpung a shaning C na, hpang jahtum shani hta bat mi laman Yesu jaw da ai, sadi jaw ga ni hpe matut tsun da nga ai. Sadi jaw ai lam gaw, tinang hkum hpe sha myit maju jung ai, pyaw hpa lam ni hpe sha myit marin ai prat hta n lup mat na matu, myit ru myit tsang lam ni anhte hpe n dang kau na matu re. Ndai lam lahkawng gaw, masha law law a prat hpe uphkang lu ai: yak hkak ai lam kaw na hprawng lawt lu na hte, kabu gara lam hte pyaw hpa lam hpe kayau kaya byin nga ai magam bungli ni pyaw len ai lam rai nga ai.
“Dai shani” gaw “mahkam hpung gun zawn”— shawng sadi jaw ai lam n nga ai sha a lawan htum mat na re: Kaning rai nme law, ga ntsa ting na masha ni yawng a ntsa e du na ra ai. Teng sha nga yang, anhte marai hkum shagu a matu, “dai shani” gaw, anhte a Madu Hkristu hte Hpan Madu hte hkrum katut na matu langai hprai, hkum dingdek shaga la hkrum na shani rai nga ai.
Marai langai ngai san wa yang; kaga mungkan masha ni anhte hte rau shang lawm na hpe la nga ai laman anhte hpa galaw na kun? Lama na, ‘kaga maga de’ ngu ai gaw, lai wa sai aten, htawm hpang aten n nga ai htani htana rai nga ai ‘ya aten’ re ai hpe dum ra ai. Dai gaw, leng shaprai htinggawt shara kaw na sa ai hte bung nga ai. Yawng gaw shara langai kaw sha hpawng nga na ra ai.
Dai majaw, anhte hpe prat tup sadi maja nga na matu sadi jaw da ai. Anhte a matu n kaja ai lam ni hpe koi gam lu na matu, Masha Kasha hte myi man hkrum ai shaloi, shim lum ai hku tsap lu na matu, tut nawng akyu hpyi na matu. Kalang lang anhte hta yak hkak ai lam ni hpe mu lu ga ai—kaga masha shagu nga mu nga mai lam hpe hkap yin la na matu, grau nna ra kadawn dik ai ni a hkam kaja lam hpe tsawra myit hte gawn lajang ai lam hpe karai kasang gaw ra sharawng nga ai.
Ngai nanhte hpe teng teng tsun made ga, ndai nye a hpu nau ni hta na kaji htum ai wa hpe nanhte galaw daw myit yang, ngai hpe mung nanhte galaw daw manit dai. ( Mahte 25:40 )
Anhte a prat hta gara masa hta raitim, Karai Kasang, Yesu hte hpang jahtum na mungdan a awng padang lam hpe kam hpa myit hte myit mada nga ga ai. Kaja dik ai hkyen lajang ai lam gaw, Karai Kasang a man e, dang lu ai daram hkum tsup hkra sak hkrung hkawm sa na matu rai nga ai. Masha langai hte langai hta mung, anhte a shani shagu na sak hkrung lam hta hkrum katut ai lam shagu hta mung Madu hpe tam nna shi hpe bai htang ga.
Akyu hpyi saga: Madu e, nye a myit mang ai lam, yaw shada ai lam, galaw ai lam hte mahtai yawng gaw, dai ni hte shani shagu hta na tsawra myit hte daw jau ai lam hta sha madung tawn lu na matu chyeju jaw ya rit. Amen