Daini na Ja Chyum Mungga hpe hti sumru yu ai shaloi e, du kaba a shangun ma hpe Yesu shamai ya ai lam na lu ga ai. Chyoi pra ai hkum gaw Madu Yesu a shan sai rai nga ai. Chyoi pra hkum hta, Madu Yesu teng sha nga nga ai. Dai hpe Kahtolik hpung masha ni kam sham ga ai. Madu Yesu teng sha nga nga ai re. Dai majaw chyoi pra hkum hpe hkam la ga ai shaloi, Karai Kassang hte anhte hkrum zup lu nga ga ai. Chyoi pra hkum hta e, Madu Yesu shanu nga ai majaw, chyoi pra hkum sakramentu a shawng kaw du ai shaloi e, anhte baw gum ra ga ai. Lahput hputdi let hkungga jaw ga ai. Karai Kasang gaw hkum zup ai wa re.

Shinggyim masha ni gaw, lam shagu hta e, ra rawng gawngkya ai ni re majaw, grit nem ai ni re. Nye a nta de shang na matu ngai n gring ndan n ngai ngu ai hpyen jaubu wa a ga gaw, Karai Kasang a galu kaba ai lam, shinggyim masha ni a n gring dan ai lam hpe madi madun ya nga ai. Bai maga mi hta Ga hkaw mi sha tsun u shaloi nye a ma mai tsai ma na li ai. N dai hpyen du kaba wa a ga gaw, Madu Yesu a ntsa shi a kam sham kam hpa ai lam kaba nga ai hpe madun ya nga sai. Anhte mung Karai hpe kam sham ai. Ra sharawng ai. Kam hpa na ra nga ga ai. Dai majaw chyoi pra ai hkum hpe hkam la ai a marang e Karai Kasang hte pawng nga na ra nga ga ai. Dai majaw chyoi pra hkum hkam la shagu, anhte gaw nta langai mi kaw Madu Yesu hte rau jawm pawng nga ai ni hte bung nga ga ai.