Lebanon mungdan na ramma ni hte hkrum shaga ai shaloi, Wa Sarabyin Leo XIV gaw myit daw myit hten ai lam n galaw na matu, jet ai tsawra myit hta ru jung ai jinghku jingyu ni hpe mahkri shawn na matu hte “prat labau lam ni hpe galai shai na matu” ra kadawn ai myit rawt ai lam hpe matut manoi tawn da na matu tsun shadut da nga ai. Wa Sarabyin Leo XIV a hpang jahtum na lamang gaw, Bkerké Muk lum hta ramma ni hte hkrum shaga ai lam rai nna, apnawng ramma ni a sakse hkam ai lam ni hte ga san san ai lamang ni hpe galaw lai wa ai.
Hkalum Shakram ai hte myit rawt ai lam: Wa Sarabyin gaw “Hkrung rawt sai Yesu a shakram ai lam,” ‘assalamu alaikum’ (ngwi pyaw simsa ai lam) hte shakram ya ai, shanhte a myit rawt ai lam hpe Karai Kasang a tsawra myit hte ni htep ai lam hpe madun dan ai lam rai nga ai. Shi gaw Syria, Iraq, Lebanon kaw nna bai wa ai ramma ni hpe laksan hkap tau la lai wa ai.
Yak hkak jam jau ai lapran na myit mada bandung: Nden marai, myit mada shara, myit masin simsa lam hpe tsun shaga ai shaloi, majan hte n tara ai lam ni nga ai mungkan hpe sali wunli hkam la na matu yak hkak ai lam ni hpe yin la nga ai. Shi gaw, asak kaba sai ni myit mada shara n nga mat sai zawn rai nga ai raitim, “Lajang na, yup mang shingran, kaja ai lam galaw na aten naw nga ai” nga nna myit n-gun jaw ya nga ai.
Labau hpe galai shai ai lam: Labau lam hpe galai shai na matu myit rawt ai lam hpe matut manoi tawn da na matu n-gun jaw ai, n hkru n kaja ai lam n re ai sha tsawra myit gaw mahtai re, sakse hkam ai lam ni gaw htinglu htinglai ai lam rai nna “htawm hpang prat nnan a myihtoi ga ni” re ai hpe ahkyak shatai tsun dan ai.
Hkristu gaw Simsa Lam a Npawt Nhpang: Lebanon a n-gun atsam gaw, arit hpun zawn, de a ru npawt hta jung nga ai. Tinang hkum hpe nyet kau ai magam bungli a “kaja ai rudi maka” kaw na shaw la na matu tsun shadut ai. Simsa lam hte seng nna san ai ga san hpe htai ai shaloi, npawt nhpang gaw myit nigmu, idea (sh) myit hkrum ga shaka ni n mai byin ai, Hkrung rawt sai Hkristu hta madung rai ra ai. Tengman ai, jet ai simsa lam lu na matu tara rap ra lam de woi sa wa ai mara raw ya ai lam ra nga ai.
Teng man ai hku hkau lam hte tsawra myit: Teng man ai hku hkau lam hte seng ai ga san hpe htai ai shaloi, Wa Sarabyin gaw, tinang a akyu ara hpe n-gun n jaw na matu sadi jaw da ai. Shi tsun ai hta, ‘ego’ gaw ginjaw kaw rai yang, hku hkau lam gaw asi n si lu na re. Teng man ai tsawra myit gaw aten kadun n re, tengman ai hku hkau lam gaw grau kaba ai “anhte, we” hpe gawgap na matu “nang, you ” hpe “ngai, I” a shawng e tawn da ai lam re.
Myithkum daw u: Tsawra myit (charity) hpe Karai Kasang nga ai hpe mungkan ting hpe madun dan ai kaba dik htum ai tsun hpaw dan ai lam re, dai hpe Yesu hte san pra ai ni (San Pier Giorgio Frassati, San Carlo Acutis, Lebanon na san pra ai ni hpe) kasi la mai ai. N tara ai lam ni hte n kaja ai kasi ningli ni a majaw myit daw myit hten na hpe ninghkap dang kau na matu, Karai Kasang hpe atsin sha tam na matu shani shagu aten la na matu n-gun jaw ya ai.
Hkristan myit rawt ai lam hpe ngang grin nga lu na matu, masin masin salum hta ngwi pyaw simsa lam lu la na matu San Pra ai Francis a akyu hpyi ga the n-gun jaw let hpungdim dat ai.
