Daini na Ja Chyum Mungga hpe hti sumru yu ai shaloi e, Mungga na nna hkan galaw ai wa a lam na la lu ga ai. Hka tung kaba wa ai majaw, dum nta ni yawng lawm mat ai shiga ni jahkring hkring sha na lu ga ai. Dum nta hpe ngang kang ai hku gaw gap da ai dum nta ni gaw, shingra hpyen ni hpe mung hkam jan lu ai hpe mu mada ga ai. Madu Karai Kasang gaw, daw hten za ai lam n nga ai lunghkrung dawhpum dawnu nan re. Dai majaw ngang kang ai lung rawk lung hkrung ni a ntsa tinang a sak prat hpe gaw gap na n gun jaw nga ai. Lam shagu hta e shi a asak prat ni nga nga ai re.

Shi a sak prat htum mat yang, hten za mat mat chye nga ai. Raitim Karai Kasang a sak prat gaw tut nawng agrin nga ai. Tut e grin nga ai Karai Kasang ngu ai lung hkrung ntsa e anhte a prat hpe gaw gap da ra ga ai. Madu Karai a tsun shadum ai lam ni, tara lam ni hte maren sak hkrung nga ra ga ai. Anhte a prat gaw Karai Kasang hte hpang ai. Karai Kasang kaw prat gaw de nna, Karai Kasang kaw sha jahtum na ra nga ga ai. Shaloi jang she anhte marai shagu, kun dinghku hte u hpung u hpawng ni a kata hta byin hkrum nga ai mayak manghkang ni hpe kaja dik lu hparan na rai nga ai. Shingrai ngang gring ai Madu Yesu hta anhte a prat hpe gaw de sa let sak hkrung hkawm sa wa ga law.