Daini gaw, The Boundless Grace of God:
(Karai Kasang a, Shadawn Shadang N nga ai Chyeju) ngu ai hpe jawm sumru akyu hpyi ga ngu nna saw nngai.
Shawng nnan, Ehpesu Laika, daw kaba langai, kaji sanit (Ehpe 1:7) hpe madat yu ga.
“Shi a n taw n tsang ai chyeju a majaw mung, tsawra htum ai Kasha a asai hta nan, htingrai htingrat na lam hte, shut hpyit mara hpe raw dat kau na akyu, anhte lu la saga ai.”
Karai Kasang gaw shani shagu, shi a shadawn shadang n nga ai chyeju hte, shi hpang de anhte hpe dun la nga ai. Chyeju gaw kaba dik ai mauhpa langai rai nga nna, anhte a prat hpe galai shai ya lu ai Karai Kasang a laklai ai kyang kumla langai mi rai nga ai.
Nnan kaw nna Karai Kasang gaw anhte a ntsa pawt sindawng ai hpe madun na malai, anhte a ntsa de chyeju ni hpe ru jaw ya na hpe sha lata la sai. Anhte mahtang shi a chyeju kaw nna lang hte lang shingdu yawng mat wa saga ai. Wa Karai mung, lang the lang, shi a shadawn n dang ai chyeju ni hpe jaw let, shi ra sharawng ai lam ni hpe madun dan sai.
Dai shi a chyeju hku nna, anhte gaw shi a pawt sindawng ai kaw na lawt lu ai sha n rai, Madu Yesu a hkye hkrang la ai magam hku nna, shi Hpan Madu Karai Wa hte rau hkuhkau kanawn mazum lu ai arawng sadang hpe hkam la ga ai.
Dai majaw, Kasa Pawlu, “Shi a n taw n tsang ai chyeju a majaw mung, tsawra htum ai Kasha a asai hta nan, htingrai htingrat na lam hte, shut hpyit mara hpe raw dat kau na akyu, anhte lu la saga ai” ngu nna tsun ai rai nga ai.
Yesu a sai hte anhte hkye hkrang la hkrum saga ai; ndai lam hpe nang galu galang ngu nna myit aru yu ga a ni? Kolose ni hpang de shagun ai laika (1:19-22) hta mung matut nna shi tsun da nga ai:
“Kaning rai nme law, shi hta e hkum dinghkum rawng nga u ga, Kawa gaw sharawng awng nga ai rai nna, shi a wudang na hkaw ai asai hte mahku mara shatai let, shi a lata e yawng hte hpe shi hku hte htinglu htinglai ya nga ai: rai sa, sumsing lamu e nga ai hte hpe rai timung, ginding aga e nga ai hte hpe rai timung, shi a lata hte htinglu htinglai ya nga ai.
Nanhte mung shawng e chyasam re ai hte, nanhte a n hkru n hkra ai bungli majaw, myit mang hte n dawng n yawt ai ni rai nga myit dai rai timung,
sumsing lamu a npu e hpan da mada hte hpe hkaw tsun dan nna, nanhte na yu ai kabu gara shiga a myit mada ai hta n htak mat ai sha,
dai makam masham hta nga nga nna,
de a npawt manat let da hpran nga myit yang gaw, chyoi pra nna agang chyalang n kap ai hte mara n rawng ai ni hpe, shi a man e jashawn myit ga,
shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai”.
Nang, Wa Karai hta tsan ai shara de nga lai wa yu nit dai; Raitim, ya, Madu Yesu a sai hte nang hpe Wa Karai a dinghku de bai hkye mawai da hkrum nit dai. Nang gaw kalang mi hkye mawai la hkrum sai sha n rai, ya mung htani htana shut hpyit mara raw dat ya ai hpe hkrum ndai.
Kasa Pawlu Ehpesu masha ni hpe tsun ai, “Shi a n taw n tsang ai chyeju a majaw, anhte a shut hpyit mara hpe raw dat kau ya hkrum saga ai.”
Na a prat hta gara shara hta mara raw dat ya ai hpe hkam la ra nga ai kun?
Kawa Karai kaw na hka mat wa ai ngu ai hpe nang gara hku hkam sha ai kun? Na a shut hpyit mara ni a matu shi kaw tawng ban ai shaloi, shi a n taw n tsang ai chyeju a majaw, nang galaw tawt lai kau rai mara ni mahkra hpe raw dat kau ya nga ai. Karai Kasang gaw, shi hte na a lapran na hkuhkau matut mahkai ai hpe bai mawai la na matu, Kasha Yesu hpe si hkam na matu shangun dat sai rai yang gaw, nang galaw kau sai mara hpa hpe raitim, raw dat ya na sha rai nga ai.
Wa Karai gaw mungkan a ladat hpe n lang ai. Na a mara ni a matu nang hpe bai n wa shangun ai. Da a malai nang hpe hkum tsup ai chyeju ningsang she jaw ai.
Yesu tsun dan ai “Kawa a sutgan hpe ginlut kau ai kasha” ga shadawn hta, kawa gaw kasha e shi hpe n hkungga ai hpe hkam sharang ya ai; nta de bai nhtang wa ai shaloi, gindan ai ari dan n jaw ai sha, daw sha poi kaba galaw nna hkap tau la ai, kasha nta de du shang wa na hpe n la taw ai, shi hpe tsawra kaba the kalangta mara raw ya ai.
Nang mung, tinang a hkum hpe ari dam jaw na matu na Wa Karai kaw nna tsan ai kaw nana hkum nga.
Akyu Hpyi Ga
- Ashim sha aten la nna Karai Kasang a mauhpa chyeju hpe nhtang sumru yu u.
“Shi gaw shi a amyu hta hkye hkrang la ai lam shangun dat wu ai;
Shi a ga shaka htani htana e dinggrin rai nga ai; shi a amying chyoi pra ai hte hkrithpa rai nga ai” nga nna Shakawn Kungdawn 111:9 hta tsun da nga ai.
- Na a mara a majaw mi raitim, n chye na n hkawn ai majaw mi raitim, na a prat gara daw hta Karai Wa hte tsan dum nga ai, ngu ai hpe shi hpe tsun dan u. Na a prat hta gara daw hta shi a chyeju hpe n hkam sha ai zawn nga a ta? Na a myit mang ai gara daw hta dawdan hkrum, shoihpa hkrum ai zawn hkam sha a ta?
- Nang myit n pyaw hkam sha ai taw nga ai shara ni a matu mara raw dat ya na hte chye madat lu na chyeju hpe Karai Wa kaw hpyi u.
Karai Wa nang hte rau shanu nga ai lam hte na a mara ni hpe shi raw dat kau ya kaw na pru ai “lawt lu ai chyeju” hpe hkam la u.
